Mazhar e sarro hiddat pe lakhon salam

Tajdar e shafa'at pe roshan durood..
Us sarapa hidayat pe durood..
Bahr e judo sakhawat pe roshan durood...
Mahr e charkh e nabuwat pe lakhon salam..
Gul e bagh e risalat pe lakhon salam...

Bayise khalq e kul sarwar e mohtarm..
Markaz e ilm o ikhlaq o hilm o hikam..
Sayyd e ambiya sarwar e bagh e karam..
Shehr e yaar e iram tajdare haram..
Nau bahar e shafa'at pe lakho salam..

Dono aalam ke aaqa pe dayim durood..
Be panah ke mawa pe dayim durood...
Shafa e roze uqba pe dayim durood..
Shab e asra ke dulha pe dayim durood..
Nausha e bazm e jannat pe lakhon salam..

Jhuk gye jis ke qadmo pe Shahon ke sar
Jis ki khatir khule aasmano ke dar..
Arsh par jo hoye shan se jalwagar...
Sahib e raj'at e shams o shaqq ul qamar..
Nayib e dast e qudrat pe lakho salam..

Noor se jis ke hai khalq ki Ibteda..
Zaat wali risalat ki inteha..
Rahmat e aalameen, Wasf jis ka hua..
Jis ke zere liwa aadam o man siwa...
Us sazaye sayadat pe lakhon salam..

Sayydi awwlin, sayydi aakhrin..
Sadiqo ad, mahboob e haq o yaqeen..
Sarwar e ambiya khatam ul mursalin...
Arsh ta farsh hai jis ke zere nage'n
Us ki qahir riyasat pe lakhon salam..

Hashr main jis ko hasil hui dastaras...
Be basi par kisi ka nahin aaj bas..
Be kason ke liye zaat wala hai bs..
Khalq ke dadras, sub ke fariyad ras..
Kahfe roze musibat pe lakhon salam...

Naimat e deen o dunya ki jis se milen
Zulmaten jin se kufro tughyan ki miten
Aman ki jis ke sadqe hawayen chalin
Jis ke jalwe se murjhai kaliyan khilin
Us Gul e pak manbat pe lakhon salam..

Jis ka ruye mubarak hua wad'duha...
Jis ke dandan se wash'shams ki hai ziya...
Jis ke gaisu pe wal'lail sadiq hua..
Wasf jis ka hai aaina haq numa..
Us khuda saaz taa'at pe lakhon salam...

Jis ki haibat se but aundhe munh gir paren...
Jis ke farman par per'd kalma parhen...
Janwar jis ke qadmon pe sajdah kren..
Jis ke aage sar e sarwara'n kham rahen...
Us sare taj Rif'at pe lakhon salam..

Jis ke sir noor e haq ka imama bndha...
Ambiya ke jaloo main jo dulha bna...
Roz e mahshar jo mukhtar mutlaq hua...
Jis ke maathe shafa'at ka sehra saja...
Mauj e bahr e samaat pe lakhon salam..

Sadr e ijlaas e aqsa pe roshan durood...
Sakin e arshe aa'la pe roshan durood...
Waqif e raze awhaa pe roshan durood....
Shab e asra ke dulha pe roshan durood..
Nausha e bazm e jannat pe lakhon salam..

Hum pe lutf o karam ki dur afshaniyn
Noor o rahmat ki aalam pe dubariyan
Bheni bheni hidayat ki gul pashiyan
Patli patli Gul e quds ki pattiyan....
Un labon ki nazakat pe lakhon salam...

Nafsi Nafsi ka jis dam ho har simt daur...
Be basi par har ik apni krta ho ghaur...
Dast e rahmat pe le ke shafa'at ka taur...
Kash mehshar main jab un ki aamad ho aur....
Bhejen sb un ki shaukat pe lakhon salam..

Tu bhi burhan ho shaikh ka hum nawa...
Eidul islam ke sath us ja khada...
Jis ki nisbat mere shaikh ne ye kaha...
Mujh se khidmat ke qudsi kahen han RAZA...
Mustafa jane rahmat pe lakhon salam