Buraq fikr hai gardo’n nurd aaj ki raat

Yeh Kon zehen ke Roshan makan main utra
Khayal e Surat e Jibrail dhayan main utra

hai Kham , rasayi insaa'n pe faaslo'n ki jabee'n
Bulandiyun pe kamande'n uchalti hai zamee'n

Ye raat kyun na ho afzal tamam raato'n main
Liye huye hai andhere , chiragh hathon main

Wo raat jis ka zamana jawab la na sake
Milaye aankh to Suraj Bhi tab na lasake

Wo raat jis ne hasee'n khwab jag ker dekha
Wo raat jis ne Mohammad ﷺ ko arsh par dekha

Gaya tha ishq khala'on Ki raah se aage
Nigah jati hai hadd e nigah se aage

Ruki ruki nazar aati thi nabaz aalam ki
Guzar rahi thi sawari Rasool e Akramﷺ ki

Rawa'n the sath farishte abaa uthaye huye
Fizayen , kutba e Salle Al'lah uthaye huye

Urooj e aadmiyat aap par tamam hua
Khuda khud apne hi jalwo'n se humkalam hua

Tajaliyat ke bale main Yun ghire dono
Kaman e wasal khenchi , mil gaye Sire dono