Arsh Ki Aql Dang Hai Charkh Mein Aasman Hai

Bazm-e-Sana-e-Zulf Mein Meri Aroos-e-Fikr Ko
Saari Bahaar-e-Hasht-e-Khuld Chhota Sa Itr Daan Hai

'Arsh Pe Ja Ke Murgh-e-Aql Thak Ke Gira Ghish Aa Gaya
Aur Abhi Manzilon Pare Pehla Hi Aastaan Hai

'Arsh Pe Taaza Chher Chhaar Farsh Mein Tarfah Dhoom Dhaam
Kaan Jidhar Lagaiye Teri Hi Daastaan Hai

Ik Tere Rukh Ki Roshni Chain Hai Do Jahaan Ki
Ins Ka Uns Usi Se Hai Jaan Ki Wohi Jaan Hai

Woh Jo Na The To Kuchh Na Tha Woh Jo Na Hon To Kuchh Na Ho
Jaan Hain Woh Jahaan Ki Jaan Hai To Jahaan Hai

God Mein Aalam-e-Shabaab Haal-e-Shabaab Kuchh Na Poochh!
Gulbun-e-Baagh-e-Noor Ki Aur Hi Kuchh Uthaan Hai

Tujh Sa Siyaah Kaar Kaun Un Sa Shafee Hai Kahaan
Phir Woh Tujhi Ko Bhool Jaayen Dil Yeh Tera Gumaan Hai

Pesh-e-Nazar Woh Nau Bahaar Sajde Ko Dil Hai Beqaraar
Rokiye Sar Ko Rokiye Haan Yahi Imtihaan Hai

Shaan-e-Khuda Na Saath De Unke Khiraam Ka Woh Baaz
Sidrah Se Ta Zameen Jise Narm Si Ik Udaan Hai

Baar-e-Jalaal Utha Liya Garchah Kaleja Shaq Hua
Yoon To Yeh Maah-e-Sabzah Rang Nazron Mein Dhaan Paan Hai