Apney Rindon Ki Ziafat Kijiye

Saaqi E Kowthar Duhaa’i Ap Ki
Soukhtaa Jaanon Par Rehmat Kijiye

Dijiye Meri Muhabbat Ko Hawaa
Iss Taraf Chashm E Muhabbat Kijiye

Qaid E Gham Mai Khush Rahun Mai Umar Bhar
Yun Giriftaar E Muhabbat Kijiye

Khud Ko Bhula’un Ap Ki Ulfat Main, Main
Mujh Ko Yun Mad’haush E Ulfat Kijiye

Kijiye Apnaa Mahaz Apnaa Mujhe
Qat’a Meri Sab Se Nisbat Kijiye

Daf’a Ho Taibaa Se Yai Najdi Balaa
Yaa Rasul Allah Ujlat Kijiye

Maang Lijiye Khaak E Taibaa Mai Jagah
Khaak Mai Saamaan E Ishrat Kijiye

Unn Pai Marnaa Hai Dawaam E Zindagi
Maut Se Phir Kaisaai Nafrat Kijiye

Zindagi Hai Sadd E Raah E Doustaan
Kis Liyea Jiney Ki Hassrat Kijiye

Unn Pai Marr Jaanai Ki Rakhiye Arzu
Yun Sadaa Jinai Ki Surat Kijiye

Zulmaton Mai Roushni Kai Waastai
Daagh E Sina Ki Hifaazat Kijiye

Atish E Douzakh Bujhaanai Kai Liye
Taiz Tar Naar E Muhabbat Kijiye

Taiz Kijiye Sina E Najdi Ki Ag
Zikr E Ayat E Wilaadat Kijiye

Kijiye Yaad E Khaatim Al Ambiyaa
Khatm Yun Har Ranj O Kulfat Kijiye

Tai Ho Naam E Paak Par Meri Kitaab
Yai Karam Khatm E Risaalat Kijiye

Jud Bi Waslin Daaiman Yaa Sayyidi
Khatm Ab Ye Daur E Furqat Kijiye

Intizaar E Jaan E Jaan Hai Jaan Ko
Yaa Rasul Allah Ki Kasrat Kijiye

Dain Gai Woh Khud Hi Muhabbat Ka Sila
Martai Dam Unn Ki Ziyaarat Kijiye

Thandai Thandai Khushbu'on Mai Bas Chalain
Yaad E Gaisu Waqt E Rehlat Kijiye

Ghaus E Azam Ap Se Fariyaad Hai
Dastaghiri Mere Hazrat Kijiye