Ay deen e haq ke rehbar tum par salam har dam

Iss be - kase azee par jo kuch guzar rahi hai
Zahir hai sab wo tum par tum par salam har dam

Duniya o akhirat main jab main rahun salamat
Pyare parhon na kyun kar tum par salam har dam

Dil tuftagan e furqat pyase hain muddaton se
Hum ko bhi jaam e kausar tum par salam har dam

Banda tumhare dar ka ulfat main mubtala hai
Rehm ay habeeb e daawar ,tum par salam har dam

Ay warison ke waris hai waliyon ke wali
Taskeen e jaan e muztar tum par salam har dam

Lillah ab humaru faryad ko pohachiye
Be had hai haal abtar tum par salam har dam

Jallad e nafs e bad se dijiye mujhe rihayi
Ab hai gale pe khanjar tum par salam har dam

Daryuzagr hun main bhi adna sa us gali ka
Lutf o karam ho mujh par tum par salam har dam

Koyi nahin hai mera main kis se daad chahon
Sultaan e banda parwar tum par salam har dam

Gham ki ghatayen ghir kar aayi hain har taraf se
Ay meher zarra parwar tum par salam har dam

Bulwa ke apne dar par abh mujh ko dijiye izzat
Phirta hun khwa dar dar tum par salam har dam

Mohtaj se tumhare sab karte hain kinara
Bas ik tumhi ho yawar tum par salam har dam

Beher e khuda bachao in khar haye gham se
Ik dil hai lakh nishtar tum par salam har dam

Koyi nahin humara hum kis ke dar pe jayen
Ay be kason ke yawar tum par salam har dam

Kya khauf mujh ko pyare naar e jahim se ho
Tum ho shafe'a e mehshar tum par salam har dam

Apne gada e dar ki lijiye khabar khudara
Kijiye karam hasan par tum par salam har dam