Ae mehr-e-charkh-e-bartari, Peeran Sabir Kaleri

Tum akhtar-e-charkh-e-wila, tum khawar-e-sidq-o-safa
Kya ho tumhari hamsari, Peeran Sabir Kaleri

Duniya mein kab paida hua, duniya mein kab dekha gaya
Tum sa bahadur aur jari, Peeran Sabir Kaleri

Lillah ho Sabir karam, jari rahe faiz-e-atam
Har shakh-e-hasrat ho hari, Peeran Sabir Kaleri

Tum shan-e-tasleem-o-raza, tum jaan-e-ta'leem-e-wafa
Tum saaz-e-naaz-e-dilbari, Peeran Sabir Kaleri

Mujh par nigah-e-lutf ho, meri guzarish bhi suno
Ho jaaun har gham se bari, Peeran Sabir Kaleri

Mahtab-e-sath-e-be-khudi, Nahid-e-kaif-e-ma'navi
Khursheed-e-charkh-e-sarwari, Peeran Sabir Kaleri