Abu Bakr Thay Raaz Dar-e Muhammad ﷺ

Kashish ishq ki dekh un ki sada se
Hua arsh par bhi qarar-e Muhammad

Yeh rutba kahan doosre ka keh un ko
Khuda ne kaha yaar-e-ghaar-e Muhammad

Likhun kya sana un ki jab khud likhe hai
Sana un ki Parvardigar-e Muhammad

Nabi ne khaleel un ko apna kiya hai
Zahe fakhr-e-khil'at-sha'ar-e Muhammad

Abu Bakr-e-Siddiq ke mashware par
Muhimmat mein tha madar-e Muhammad

Sahi ishq-e-Hazrat mein kya kya musibat
Abu Bakr thay jaan nisar-e Muhammad

Baham thay woh dunya mein yun jaise ab hain
Mazar un ka nazd-e-mazar-e Muhammad