Sahaba

Baham thay woh dunya mein yun jaise ab hain

Mazar un ka nazd-e-mazar-e Muhammad

Ba-qaul-e-Nabi khuld mein bhi rahein ge

Musharraf ba-qurb-o-jawar-e Muhammad

Abu Bakr-e-Siddiq ke mashware par

Muhimmat mein tha madar-e Muhammad

Sahi ishq-e-Hazrat mein kya kya musibat

Abu Bakr thay jaan nisar-e Muhammad

Likhun kya sana un ki jab khud likhe hai

Sana un ki Parvardigar-e Muhammad

Nabi ne khaleel un ko apna kiya hai

Zahe fakhr-e-khil'at-sha'ar-e Muhammad

Kashish ishq ki dekh un ki sada se

Hua arsh par bhi qarar-e Muhammad

Yeh rutba kahan doosre ka keh un ko

Khuda ne kaha yaar-e-ghaar-e Muhammad

Abu Bakr thay raaz dar-e Muhammad

Abu Bakr thay gham gusar-e Muhammad