Sar ta ba qadam hai tan Sultan-e-Zaman phool

Sadqe mein tere bagh to kya laaye hain ban phool
Is ghuncha-e-dil ko bhi to īmā ho ke ban phool

Tinka bhi hamare to hilaaye nahin hilta
Tum chaho to ho jaaye abhi koh-e-mihan phool

Wallah jo mil jaaye mere gul ka pasina
Maange na kabhi itr na phir chaahe dulhan phool

Dil basta-o-khoon gashta na khushboo na latafat
Kyun ghuncha kahun hai mere Aaqa ka dahan phool

Shab yaad thi kin daanton ki shabnam ke dam-e-subh
Shokhan-e-bahaari ke jarao hain karan phool

Dandan o lab o zulf o rukh-e-Shah ke fidaai
Hain durr-e-Adan, laal-e-Yaman, mushk-e-Khatan phool

Boo ho ke nihaan ho gaye taab-e-rukh-e-Shah mein
Lau ban gaye hain ab to haseenon ka dahan phool

Hoon baar-e-gunah se na khajal dosh-e-azeezan
Lillah meri naash kar ae jaan-e-chaman phool

Dil apna bhi shaidaai hai us nakhun-e-pa ka
Itna bhi mah-e-nau pe na ae charkh-e-kuhan phool

Dil khol ke khoon ro le gham-e-aariz-e-Shah mein
Nikle to kahin hasrat-e-khoon na-ba-shudan phool

Kya ghaza mala gard-e-Madina ka jo hai aaj
Nikhre hue jo ban mein qiyamat ki phaban phool

Garmi ye qiyamat hai ke kaante hain zabaan par
Bulbul ko bhi ae saaqi-e-sahba o laban phool

Hai kaun ke girya kare ya fatiha ko aaye
Bekas ke uthaaye teri rahmat ke bharan phool

Dil gham tujhe ghere hain Khuda tujh ko woh chamkaaye
Sooraj tere khirman ko bane teri karan phool