Kia shan man likhe ga koi un ka Qaseedah

Jab yaad kia qalb hua nafa Aahu
Jab naam lia hogaye lab shahad chakedah

Rakh ek taraf fikr ko Qartaas o qalam ko
Ashko'n se bhi likh un ki sana un ka qasedah

Dekha hai bulandi pe har ek ja sar e aflaak
Lekin usse dekha hai madina main khamidah

Hasrat main ziyarat ki bahe jate hain aansu
Accha hai wuzu karta hai deedar ko dedah

Kia us ko kharide'n ge Salaten e zamana
Ay rahmat e Aalam teri rahmat ka kharedah

Ummat hai bohat zaar o pareshan, karam kr
Chadar bhi daredah hui daman bhi daredah

Wo shayri acchi ke dikhaye jo ye manzar
Aa gosh e karam main sag e duniya ka gazedah

Mohtaaj na hoga kabhi wo hath jo likhe
Is mu'ti o mun'em ki sakhawat pe qasedah

Mehroom nahi hon gi basarat se wo aankhe'n
Gar khuwab sahi hon rukh e anwaar ki dedah

Bas ek hi jhonka hai bohat sher e nabi ka
Aawaz ye dete hain tan o qalb e tapedah

Laya dar e rahmat pe tujhe jaada e rahmat
Kaafi teri bakhshish ke liye hai ye qasedah

Jis raah se guzra hai *Adeeb* un ki sana main
Rakhshandah tabindah o rakhsha'n o damedah