Furqat E Taiba Ki Wehshat Dil Se Jaye Khair Se

Dil Main Hasrat Koyi Baaqi Reh Na Jaa’ey Khair Se
Raah E Taibaa Main Mujhe Yun Maut Aye Khair Se

Mere Din Phir Jaa’ey Yaa Rab! Shab Woh Aye Khair Se
Dil Mai Jab Maah E Madinah Ghar Bana'ey Khair Se

Raat Meri Din Banai Unn Ki Liqaa’e Khair Se
Qabr Mai Jab Unn Ki Tal'at Jagmagaa'e Khair Se

Hain Ghani Kai Dar Pai Ham Bistar Jama'e Khair Se
Khair Kai Taalib Kahaan Jaa'aingai Jaa’ey Khair Se

Woh Khiraam E Naaz Farma'en Jo Paa’e Khair Se
Kya Bayaan Woh Zindagi Ho Dil Jo Paa'e Khair Se

Mar Kai Bhi Dil Se Na Jaa’ey Ulfat E Baagh E Nabi
Khuld Mai Bhi Baagh E Jaanaan Yaad Aye Khair Se

Ranj O Gham Ho Bai Nishaan Aye Bahaar E Bai Khizaan
Mere Dil Mai Baagh E Jaanaan Ki Hawaa'e Khair Se

Iss Taraf Bhi Do Qadam Jalwe Khiraam E Naaz Kai
Reh Guzar Mai Ham Bhi Hain Ankhain Bichaa'e Khair Se

Intizaar Unn Se Kahe Hai Ba Zubaan E Chashm E Nam
Kab Madine Mai Chalun Kab Tu Bulaa’e Khair Se

Shaam E Tanhaa’i Banai Rashk E Hazaaraan Anjuman
Yaad E Jaanaan Dil Mai Yun Dhumain Machaa'e Khair Se

Furqat E Taibaa Kai Haathon Jitai Ji Murdah Huey
Maut Yaa Rab Ham Ko Taibaa Mai Jilaa'e Khair Se

Ho Mujhe Sair E Gulistaan E Madina Yun Nasib
Mai Bahaaron Mai Chalun Khud Ko Gumaa'e Khair Se

Zindabaad Ae Arzu E Baagh E Taibaa Zindabaad
Tere Dam Se Hain Zamaanai Kai Sataa'e Khair Se

Najdiyon Ki Chirah Dasti Yaa Ilaahi! Taa Ba Kai
Ye Balaa'e Najdiya Taibaa Se Jaa’ey Khair Se

Jhaank Lou Ankhon Mai Unn Ki Hasrat E Taibaa Liyea
Zaa’ir E Taibaa Ziyaa'e Taibaa Laa'ai Khair Se

Hai Ye Taibaa Ka Payaam Taalib E Aesh E Dawaam
Jannat E Taibaa Mai A Hasti Mitaa'e Khair Se

Sang E Dar Se A Milai Taibaa Mai Ab Tou Ja Milai
A Gaye Dar Pai Taire; Taire Bulaa'e Khair Se