Hamd
Dushman-e-ahmad pe shiddat kijiye
دُشمنِ احمد پہ شدّت کیجیے
Urdu Kalam
مطلع
دُشمنِ احمد پہ شدّت کیجیے
مُلحِدوں کی کیا مروَّت کیجیے
ذِکر اُن کا چھیڑیے ہر بات میں
چھیڑنا شیطاں کا عادت کیجیے
مثلِ فارس زلزلے ہوں نجد میں
ذکرِ آیاتِ وِلادت کیجیے
غیظ میں جل جائیں بے دِینوں کے دل
’’ یارسول اللہ ‘‘ کی کثرت کیجیے
کیجیے چرچا اُنہیں کا صبح و شام
جانِ کافِر پر قیامت کیجیے
آپ درگاہِ خدا میں ہیں وَجیہ
ہاں شفاعت بِالْوَجَاہَتْ کیجیے
حق تمہیں فرما چکا اپنا حبیب
اب شفاعت بِالْمَحَبَّت کیجیے
اِذن کب کا مِل چکا اب تو حضور
ہم غریبوں کی شفاعت کیجیے
ملحدوں کا شک نِکل جائے حضور
جانب مَہ پھر اِشارت کیجیے
شِرک ٹھہرے جس میں تعظیمِ حبیب
اس بُرے مذہب پہ لعنت کیجیے
ظالمو! محبوب کا حق تھا یہی
عشق کے بدلے عداوت کیجیے
وَالضُّحٰی ، حُجُرَات ، اَلَمْ نَشْرَح سے پھر
مومنو! اِتمامِ حجت کیجیے
بیٹھتے اُٹھتے حضور پاک سے
التجا و اِستِعانت کیجیے
یا رسول اللہ دُہائی آپ کی
گوشمالِ اہلِ بدعت کیجیے
غوثِ اعظم آپ سے فریاد ہے
زندہ پھر یہ پاک ملت کیجیے
یاخدا تجھ تک ہے سب کا مُنتہی
اولیا کو حکمِ نصرت کیجیے
مقطع
میرے آقا حضرتِ اچھے میاں
ہو رضاؔ اچھا وہ صورت کیجیے
Kalam Details
Bahr
Bahr-e-Ramal Musaddas Mahzoof
Radif
ے
Total Ashaar
17
Total Misra
34
Writer
Aala Hazrat Imam Ahmed Raza Khan
Book
Hadaiq-e-Bakhshish