Bul Hawas Sun Seem O Zarr Ki Bandagi Achhi Nahi

Sarwari Kya Chiz Hai Unn Ki Gadaai Kai Huzur
Unn Kai Dar Ki Bhik Achi Sarwari Achi Nahi

Unn Ki Chaukhatt Chum Kar Khud Keh Rahi Hai Sarwari
Unn Kai Dar Ki Bhik Achi Sarwari Achi Nahi

Sarwari Khud Hai Bhikaaran Bandagaan E Shaah Ki
Unn Kai Dar Ki Bhik Achi Sarwari Achi Nahi

Sarwari Paa Kar Bhi Kehtai Hain Gadaayaan E Huzur
Unn Kai Dar Ki Bhik Achi Sarwari Achi Nahi

Taaj Khud Raa Kaasa Kardah Goyad Ī Ja Taajwar
Unn Kai Dar Ki Bhik Achi Sarwari Achi Nahi

Taaj Ko Kaasaa Bana Kar Taajwar Kehtai Hain Yun
Unn Kai Dar Ki Bhik Achi Sarwari Achi Nahi

Muti E A’zam Yakai Az Mardmaan E Mustafaa
Uss Razaa'ai Mustafaa Se Dushmani Achi Nahi

Hujjatul Islaam Ae Haamid E Razaa Baba E Man
Tum Ko Bin Daikhai Hamaari Zindagi Achi Nahi

Khaak E Taibaa Ki Talab Mai Khaak Ho Yai Zindagi
Khaak E Taibaa Achi Apni Zindagi Achi Nahi

Arozu Mandaan E Gul Kaanton Se Bachtai Hain Kahin
Khaar E Taibaa Se Tairi Pehlo Tahi Achi Nahi

Dasht E Taibaa Kai Fidaa'i Se Jinaan Ka Tazkiraa
Jo Rulaa Dai Khun Aisi Dil Lagi Achi Nahi

Dasht E Taibaa Chaurh Kar Mai Sair E Jannat Ko Chalon
Rehnai Dijiyea Sheikh Ji Diwaanagi Achi Nahi

Jo Junun E Khuld Mai Kawwoun Ko Dai Baithai Dharram
Aisai Andhai Sheikh Ji Ki Pairwi Achi Nahi

Aql Cho Paayon Ko Dai Baithai Hakim E Thaanawi
Mai Na Kehtaa Tha Kai Sohbat Deo' Ki Achi Nahi

Yaad E Jaanaan Mai Ma’aazallah Hasti Ki Khabar
Yaad E Jaanaan Mai Kisi Se Ag’hi Achi Nahi

Shaam E Hijraan Mai Hamai Hai Justuju Uss Mehar Ki
Chawdahwin Kai Chaand Tairi Chaandni Achi Nahi

Tauq E Tehzib E Farangi Taurr Daalou Momino!
Tirgi Anjaam Hai Yai Roushni Achi Nahi

Shaakh E Gul Par Hi Banaa'aingai Anaadil Ashiyaan
Barq Se Keh Dou Kai Ham Se Zidd Teri Achi Nahi