Aap Ka Irfan Dobala Sayyidi Ahmed Raza (Mufti Ahmed Miyan)

Aap ne hum ko sambhala Sayyidi Ahmed Raza
Aap ka hai bol bala Sayyidi Ahmed Raza

Zehn o dil, fikr o nazar, roshan se roshan ho gaye
Aap ne kaisa ujala Sayyidi Ahmed Raza

Aap ke noori qalam ne woh siyahi pheer di
Dushmanon ka munh hai kala Sayyidi Ahmed Raza

Aap ki ilmi jalalat dushmanon pe chha gayi
Lag gaya hai munh pe tala Sayyidi Ahmed Raza

Aap ne ishq-e-Nabi ka woh parhaya hai sabaq
Ho gaya eeman Hamala Sayyidi Ahmed Raza

Han yehi chashm-o-chiragh-e-mahfil-e-Barakaat hain
Is tarah hai zaat bala, Sayyidi Ahmed Raza

Kul jahan kehne laga hai Ala Hazrat aap ko
Yun kiya Aaqa ne A'la Sayyidi Ahmed Raza

Qadri hoon, Suhrawardi, Naqshbandi Chishtiya
Har zaban par qaul-e-bala, Sayyidi Ahmed Raza

Hai yeh faiz-e-Hazrat Mufti Khaleel Qadri
Mil gaya hai bab-e-wala, Sayyidi Ahmed Raza