میں سراپا خطا وہ سرا پا عطا میں گنہگار ہوں وہ شفیع الورا

خالَدؔ بے نوا بخت یا ور ہوا بخشوانے شہِ دوسرا آگئے

کون ہے اس قدر محترم دیکھئے اللہ اللہ یہ حُسن ِ کرم دیکھئے

شرم سے بادشاہوں کی گردن جھکی سامنے جب بھی انکے گدا آگئے

ہم گنہگار جاتے تو جاتے کہاں مِل گئی اے خوشا انکے در پر اماں

فیض و بخشش کے دَر کھل گئے ہر طرف ہو مبارک شفیع الوریٰ آگئے

بے نِشانوں کو اپنے نشاں مِل گئے نامرادوں کو دُونوں جہاں مِل گئے

کُنتُ کنزًا کا خلوت کدہ چھوڑ کر بزم ہستی میں خیر الوری آگئے