Sarwar Kahun Keh Malik-o-Maula Kahun Tujhe

Harmaan Naseeb Hoon Tujhe Umeed Gah Kahun
Jaan-e-Muraad-o-Kaan-e-Tamanna Kahun Tujhe

Gulzar-e-Quds Ka Gul-e-Rangeen Ada Kahun
Darman-e-Dard-e-Bulbul-e-Shaida Kahun Tujhe

Subh-e-Watan Pe Shaam-e-Ghareeban Ko Doon Sharaf
Bekas Nawaz Gesuon Wala Kahun Tujhe

Allah Re Tere Jism-e-Munawwar Ki Tabishein
Ae Jaan-e-Jaan Main Jaan-e-Tajalla Kahun Tujhe

Be-Dagh Lalah Ya Qamar-e-Be-Kalaf Kahun
Be-Khar Gulban-e-Chaman Ara Kahun Tujhe

Mujrim Hoon Apne Afw Ka Saman Karun Shaha
Yani Shafi-e-Roz-e-Jaza Ka Kahun Tujhe

Is Murdah Dil Ko Muzhdah Hayat-e-Abad Ka Doon
Tab-o-Tawan-e-Jaan-e-Masiha Kahun Tujhe

Tere To Wasf Aib-e-Tanahi Se Hain Bari
Hairan Hoon Mere Shah Main Kya Kya Kahun Tujhe

Keh Legi Sab Kuch Un Ke Sanakhwan Ki Khamoshi
Chup Ho Raha Hai Keh Ke Main Kya Kya Kahun Tujhe