Mere Allah Ke Nigar Salam

Dono Alam Ke Taajdaar Salam
Jaan e Har Jaan o Jandar Salam

Nik'hat Har Chaman Hazar Salam
Jaan e Bulbul Hazar Salam

Khak e Taiba Bane Meri Hasti
Arz Krta Hai Khaksaar Salam

Shoq e Peham Ki Iltija Sun Lo
Tum Pe Ho Meri Jaan Nisar Salam

Phir Madine Main Kab Bulao ge
Tum Se Kehta Hai Intzaar Salam

Mujh Ko Zalim Pe Ikhtiyar Nahin
Tum To Rakhte Ho Ikhtiyar Salam

Khuld Kehti Hai Yun Madine Se
Tujh Pe Ay Khuld Ki Bahar Salam

Motiyon Ko Saja Ke Palkon Pe
Kehti Hai Chashm e Ashkbaar Salam

Apni Ulfat Ka Aisa Jaam Pila
Jis ka Barhta Rahe Khumar Salam

Dard e Ulfat Main De Maza Aisa
Dil Na Paye Kabhi Qarar Salam

Dil Ki Dharkan Tumhari Yad Bane
Har Nafs Tum Pe Be Shumar Salam

Teri Khatir Zaleel Hona Hai
Meri Izzat Mere Waqar Salam

Apne Akhtar Ka Lo Salam Shaha
Tum Pe Ay Jaan Ay Qarar Salam