Lab Pe Phir Aayi Hai Faryad Rasool-e-Arabi

Aap ki zaat har ik tarah se hai fakhr-e-zaman
Kya ho har aap ka irshad Rasool-e-Arabi

Thak gaye Hind ke yeh roz-o-shab-o-shaam-o-sahar
Sunte sunte meri faryad Rasool-e-Arabi

Hijr-e-Taiba mein nahin ek ghari mujh ko qarar
Zindagi ho gayi barbaad Rasool-e-Arabi

Aap ke haath mein hai mera chaman meri bahar
Taak mein hai meri sayyad Rasool-e-Arabi

Koi paida na hua, koi na paida hoga
Aap jaisa karam ijad Rasool-e-Arabi