Zeenat E Sajjada O Bazm E Qaza Milta Nahi

Woh Jo Apnaai Daur Ka Siddiq Thaaa Miltaa Nahi
Mahram E Raaz E Muhammad Mustafaa Miltaa Nahi

Ab Chiraagh E Dil Jalaa Kar Ho Sakai Tou Dhundiye
Par Taw E Ghaus O Razaa O Mustafaa Miltaa Nahi

Alam E Souz E Daron Kis Se Kahun Kis Se Kahun
Chaarah Saaz E Dard E Dil Dard E Ashnaa Miltaa Nahi

Alimon Kaa Mu'tabar Woh Paishwaa Miltaa Nahi
Jo Mujassam Ilm Thaa Woh Kya Huwaa Miltaa Nahi

Zaahidon Kaa Woh Musallam Muqtadaa Miltaa Nahi
Jis Pai Naazaan Zuhd Thaa Woh Paarsaa Miltaa Nahi

Fard Afraad E Zamaan Woh Sheikh E Ashyaakh E Jahaan
Kaamilaan E Dahar Kaa Woh Muntahaa Miltaa Nahi

Istiqaamat Kaa Woh Koh E Muhkam O Baalaa Tarin
Jiss Kai Jaanai Se Zamaana Hill Gayaa Miltaa Nahi

Chaar Yaaron Ki Adaa'e Jis Mai Thin Jalwaa Numaa
Chaar Yaaron Kaa Woh Roushan A’ina Miltaa Nahi

Aik Shaakh E Gul Nahi Saaraa Chaman Andouhagin
Mustafaa Kaa Andalib E Khushnawaa Miltaa Nahi