Allah Allah Nau Bahaar-e-Azmat-e-Ahmed Raza

Saaya-e-qasr-e-dana mein manzilat paya hua
Kitna ooncha hai maqam-e-izzat-e-Ahmed Raza

Qurb-e-haq ki manzilon mein gum na hon kyun rif'atein
Jalwa-gah-e-Mustafa hai rif'at-e-Ahmed Raza

Mustafa ki bheeni bheeni nighaton mein tah-ba-tah
Mehki mehki hai faza-e-nikhat-e-Ahmed Raza

Iltifat-e-jalwa-e-Ghaus-ul-Wara se munsalik
Rashk-e-sad jalwat hai yani khilwat-e-Ahmed Raza

Lakht-e-dil hai thandi thandi zau se bagh-o-bagh
Mah-e-Taiba ki ziya hai tal'at-e-Ahmed Raza

Noor ankhon ko mila khilwat-gah-e-dil ko suroor
Jab tasawwur ne sanwari soorat-e-Ahmed Raza

Pheeki pheeki si hai saaqi, subh-o-sham-e-zindagi
Aaye phir gardish mein jam-e-lazzat-e-Ahmed Raza

Phoolta phalta rahe ga bagh-e-Marehra mudam
Keh rahi hai yeh bahar-e-barakat-e-Ahmed Raza

Barak-Allah faiz-e-aam-e-Hazrat-e-Achchhe Miyan
Achchhe achchhon ka hai qibla seerat-e-Ahmed Raza