Tooba Mein Jo Sab Se Oonchi Naazuk Seedhi Nikli Shaakh

Maula Gulbun, Rahmat-e-Zahra, Sibtain Us Ki Kaliyan Phool
Siddiq-o-Farooq-o-Usman, Haidar Har Ik Us Ki Shaakh

Shaakh-e-Qaamat-e-Shah Mein Zulf-o-Chashm-o-Rukhsaar-o-Lab Hain
Sunbul, Nargis, Gul, Pankhariyan, Qudrat Ki Kya Phooli Shaakh

Apne In Baghon Ka Sadqah Woh Rahmat Ka Pani De
Jis Se Nakhl-e-Dil Mein Ho Paida Pyare Teri Wila Ki Shaakh

Yaad-e-Rukh Mein Aahen Kar Ke Ban Mein Main Roya Aayi Bahaar
Jhoomen Naseemen, Naisaan Barsa, Kaliyan Chatkeen, Mehki Shaakh

Zaahir-o-Baatin, Awwal-o-Aakhir, Zaib-e-Furoo-o-Zain-e-Usool
Bagh-e-Risaalat Mein Hai Tu Hi Gul, Ghuncha, Jar, Patti, Shaakh