Shor-e-Mah-e-Nau Sun Kar Tujh Tak Main Dawaan Aaya

Is Gul Ke Siwa Har Phool Ba-Gosh-e-Giraan Aaya
Dekhe Hi Gi Ae Bulbul Jab Waqt-e-Fughaan Aaya

Jab Baam-e-Tajalli Par Woh Nayyar-e-Jaan Aaya
Sar Tha Jo Gira Jhuk Kar Dil Tha Jo Tapaan Aaya

Jannat Ko Haram Samjha Aate To Yahan Aaya
Ab Tak Ke Har Ek Ka Munh Kehta Hoon Kahan Aaya

Taiba Ke Siwa Sab Baagh Paamaal-e-Fana Honge
Dekhoge Chaman Walo! Jab Ahd-e-Khizaan Aaya

Sar Aur Woh Sang-e-Dar Aankh Aur Woh Bazm-e-Noor
Zalim Ko Watan Ka Dhyan Aaya To Kahan Aaya

Kuch Naat Ke Tabaqe Ka Aalam Hi Nirala Hai
Sakta Mein Pari Hai Aql Chakkar Mein Gumaan Aaya

Jalti Thi Zameen Kaisi Thi Dhoop Kari Kaisi
Lo Woh Qad-e-Be-Saaya Ab Saaya Kunaan Aaya

Taiba Se Hum Aate Hain Kahiye To Jinaan Walo
Kya Dekh Ke Jeeta Hai Jo Waan Se Yahan Aaya

Le Tauq-e-Alam Se Ab Azaad Ho Ae Qumri
Chitthi Liye Bakhshish Ki Woh Sarv-e-Rawaan Aaya

Naama Se Raza Ke Ab Mit Jao Bure Kaamo
Dekho Mere Palle Par Woh Achchhe Miyan Aaya