Sar Sooye Roza Jhuka Phir Tujh Ko Kya

Baithte Uthte Madad Ke Waste
Ya Rasool Allah Kaha Phir Tujh Ko Kya

Ya Gharaz Se Chhut Ke Mahz Zikr Ko
Naam-e-Pak Un Ka Japa Phir Tujh Ko Kya

Be Khudi Mein Sajda-e-Dar Ya Tawaf
Jo Kiya Achha Kiya Phir Tujh Ko Kya

Un Ko Tamleek Malik-ul-Mulk Se
Malik-e-Alam Kaha Phir Tujh Ko Kya

Un Ke Naam-e-Pak Par Dil Jaan-o-Maal
Najdiya Sab Taj Diya Phir Tujh Ko Kya

Ya Ibaadi Keh Ke Hum Ko Shah Ne
Apna Banda Kar Liya Phir Tujh Ko Kya

Deo Ke Bandon Se Kab Hai Ye Khitab
Tu Na Un Ka Hai Na Tha Phir Tujh Ko Kya

La Ya'udoon Aage Hoga Bhi Nahin
Tu Alag Hai Daaiman Phir Tujh Ko Kya

Dasht-e-Gird-o-Pesh-e-Taiba Ka Adab
Makkah Sa Tha Ya Siwa Phir Tujh Ko Kya

Najdi Marta Hai Ke Kyun Tazeem Ki
Ye Hamara Deen Tha Phir Tujh Ko Kya

Deo Tujh Se Khush Hai Phir Hum Kya Karein
Hum Se Razi Hai Khuda Phir Tujh Ko Kya

Deo Ke Bandon Se Hum Ko Kya Gharaz
Hum Hain Abd-e-Mustafa Phir Tujh Ko Kya