Ishq-e-Maula Mein Ho Khoon Baar Kinar-e-Daman

Beh Chali Aankh Bhi Ashkon Ki Tarah Daman Par
Ke Nahin Tar-e-Nazar Juz Do Seh Tar-e-Daman

Ashk Barsaun Chale Koocha-e-Janaan Se Naseem
Ya Khuda Jald Kaheen Nikle Bukhar-e-Daman

Dil Shudon Ka Ye Hua Daman-e-Athar Pe Hujoom
Be-Dil Aabaad Hua Naam Diyar-e-Daman

Mushk Sa Zulf-e-Shah-o Noor-Fishan Roo-e-Huzoor
Allah Allah Halab-e-Jaib-o-Tatar-e-Daman

Tujh Se Ae Gul Main Sitam-Deedah-e-Dasht-e-Hirmaan
Khalish-e-Dil Ki Kahun Ya Gham-e-Khar-e-Daman

Aks-Afgan Hai Hilal-e-Lab-e-Shah Jaib Nahin
Mehr-e-Ariz Ki Shuaaen Hain Na Tar-e-Daman

Ashk Kehte Hain Ye Shaidai Ki Aankhen Dho Kar
Ae Adab Gard-e-Nazar Ho Na Ghubar-e-Daman