Sayyid e Kawnain Sultan-e-Jahaan

Kul Se A'la Kul Se Aula Kul Ki Jaan
Kul Ke Aaqa Kul Ke Haadi Kul Ki Shaan

Dilkusha Dilkash Dil Aaraa Dilistaan
Kaan-e-Jaan-o Jaan-e-Jaan-o Shaan-e-Shaan

Har Hikaayat Har Kinaayat Har Adaa
Har Ishaarat Dil Nasheen-o Dil Nashaan

Dil De Dil Ko Jaan Jaan Ko Noor De
Ae Jahaan-e-Jaan Waale Jaan-e-Jahaan

Aankh De Aur Aankh Ko Deedaar-e-Noor
Rooh De Aur Rooh Ko Raah-e-Jinaan

Allah Allah Yaas Aur Aisi Aas Se
Aur Ye Hazrat Ye Dar Ye Aastaan

Tu Sanaa Ko Hai Sanaa Tere Liye
Hai Sanaa Teri Hi Deegar Daastaan

Tu Na Tha To Kuchh Na Tha Gar Tu Na Ho
Kuchh Na Ho Tu Hi To Hai Jaan-e-Jahaan

Tu Ho Daata Aur Auron Se Rajaa
Tu Ho Aaqa Aur Yaad-e-Deegaraan

Iltijaa Is Shirk-o-Shar Se Door Rakh
Ho Razaa Tera Hi Ghair Az Een-o-Aan