Sanbhal Ja Aye Dil E Muztar Madinah Aaney Wala Hai

Qadam Ban Jaey Mera Sar Madina Anai Waalaa Hai
Bichun Rah Mai Nazar Ban Kar Madina Anai Waalaa Hai

Jo Daikhai Unn Kaa Naqsh E Paa Khudaa Se Woh Nazar Maangun
Chiraagh E Dil Chalun Lai Kar Madina Anai Waalaa Hai

Karam Un Kaa Chalaa Yun Dil Se Kehtaa Raah E Taibaa Mai
Dil E Muztar Tassalli Kar Madina Anai Waalaa Hai

Nichaawarr Hain Madine Ki Yai Mera Dil Meri Ankhain
Nichaawarr Hun Madina Par Madina Anai Waalaa Hai

Ilaahi Mai Talabgaar E Fanaa Hun Khaak E Taibaa Mai
Ilaahi Kar Nisaar E Dar Madina Anai Waalaa Hai

Madine Ko Chalaa Mai Bai Nayaaz E Rehbar E Manzil
Rah E Taibaa Hai Khud Rehbar Madina Anai Waalaa Hai

Mujhe Khenchai Liyea Jaata Hai Shauq E Kucha E Jaanaan
Kinchaa Jaata Hun Mai Yaksar Madina Anai Waalaa Hai

Woh Chamkaa Gumbad E Khazraah Woh Shehr E Pur Ziyaa Ayaa
Dhalai Ab Nur Mai Paikar Madina Anai Waalaa Hai

Jahaan Se Bai Khabar Ho Kar Chalo Khuld E Madina Mai
Chalou Ab Hosh Ki Pi Kar Madina Anai Waalaa Hai

Madine Mai Khulai Baab E Hayaat E Nou Ba Traz E Nou
Badal Daalo Kuhan Daftar Madina Anai Waalaa Hai

Zaraa Ae Markab E Umr E Rawaan Chal Barq Ki Surat
Dikhaa Parwaaz Kai Jouhar Madina Anai Waalaa Hai

Talabgaar E Madina Tak Madina Khud Hi A Jaey
Tu Dunyaa Se Kinaarah Kar Madina Anai Waalaa Hai

Madina A Gyaa Ab Dair Kya Hai Sirf Itni Si
Tu Khaali Kar Ye Dil Kaa Ghar Madina Anai Waalaa Hai

Falak Shayad Zamin Par Reh Gyaa Khaak E Guzar Ban Kar
Bichai Hain Raah Mai Akhtar Madina Anai Waalaa Hai

Fizaa’en Mehki Mehki Hain Hawaa'en Bhini Bhini Hain
Basi Hai Kaisi Mushk E Tar Madina Anai Waalaa Hai

Qamar Ayaa Hai Shayad Unn Kai Talwon Ki Ziyaa Laine
Bichaa Hai Chaand Kaa Bistar Madina Anai Waalaa Hai

Muhammad Kai Gadaa Kuch Farsh Waalai Hi Nahi Daikho
Woh Ata Hai Shah E Khaawar Madina Anai Waalaa Hai