Hazrat Anas رضي الله تعالى عنه riwayat karte hain ke Bargah-e-Nubuwwat mein jab koi shakhs hadiyah pesh karta to Huzoor ﷺ farmate:
"Yeh falaan khatoon ko pahuncha do, kyun ke woh meri rafiqah-e-hayat Hazrat Khadijah-tul-Kubra رضي الله تعالى عنها ki saheli thi. Woh Hazrat Khadijah se muhabbat karti thi."
Hazrat Aishah رضي الله تعالى عنها se marwi hai. Aap farmati hain ke Huzoor ﷺ jab koi bakri zabah karte to us ka gosht Umm-ul-Momineen Hazrat Khadijah-tul-Kubra رضي الله تعالى عنها ki saheliyon ki taraf bhi bheja karte the.
Ek dafa Aap ki behan Huzoor ﷺ ki mulaqat ke liye aaeen. Huzoor ﷺ ne khushi se un se guftagu ki aur un ki baat tawajjuh se suni.
Ek din ek khatoon hazir-e-khidmat hui. Huzoor ﷺ ne us ki aamad par bari masarrat ka izhar kiya aur us ke halaat ahsan tareeqe se daryaft kiye. Jab woh chali gayi to Huzoor ﷺ ne farmaya:
"Yeh woh khatoon hai jo Hazrat Khadijah-tul-Kubra ke zamane mein aksar hazir hua karti thi."
Huzoor Aqdas ﷺ farmate hain:
"Inna husn al-'ahd minal iman."
Yani purane ta'alluqaat ko malhooz rakhna, jo tum se muhabbat kare us ka khayal rakhna, aur jo tumhare muhabbat karne wale se muhabbat kare us ka bhi khayal rakhna, iman ka hissa hai.
Hazrat Abu Qatadah رضي الله تعالى عنه riwayat karte hain ke ek dafa Najashi ki taraf se ek wafd aaya. Huzoor ﷺ ba-nafs-e-nafees un ki mehman-nawazi aur khatir-madaarat ka intezam karne lage.
Sahaba-e-Kiram ne arz ki:
"Ya Rasool Allah! Hum hazir hain. Hum un ki khatir-madaarat mein koi kasar nahin utha rakhenge. Huzoor khud kyun takleef farmate hain?"
Is par Aaqa ﷺ ne irshad farmaya:
"Mere Sahaba jab wahan gaye the to un logon ne un ki bari izzat ki thi. Main chahta hoon ke un ki khatir-madaarat ka silah main khud un ko doon."
Akhlaq-e-Rasool ﷺ ke Roshan Pehlu – 8. Silah Rahmi
اخلاقِ رسولﷺ کے روشن پہلو - 8۔ صلہ رحمی
حضرت انس رضی اللہ تعالیٰ عنہ روایت کرتے ہیں کہ بارگاہ نبوت میں جب کوئی شخص ہدیہ پیش کرتا تو حضور صلی اللہ تعالی علیہ وسلم فرماتے کہ یہ فلاں خاتون کو پہنچا دو کیوں کہ وہ میری رفیقہ حیات خدیجہ الکبری رضی اللہ تعالی عنہا کی سہیلی تھی، وہ حضرت خدیجہ سے محبت کرتی تھی۔
حضرت عائشہ رضی اللہ تعالیٰ عنہا سے مروی ہے آپ فرماتی ہیں کہ:
حضور صلی اللہ تعالی علیہ وسلم جب کوئی بکری ذبح کرتے تو اس کا گوشت ام المومنین حضرت خدیجہ الکبری رضی اللہ تعالی عنہا کی سہیلیوں کی طرف بھیجا کرتے، ایک دفعہ آپ کی بہن حضور صلی اللہ تعالٰی علیہ وسلم کی ملاقات کے لیے آئی حضور صلی اللہ تعالٰی علیہ وسلم نے خوشی سے ان سے گفتگو کی اور ان کی بات سنی。
ایک دن ایک خاتون حاضر خدمت ہوئی حضور صلی اللہ تعالٰی علیہ وسلم نے اس کی آمد پر بڑی مسرت کا اظہار کیا اور اس کے حالات احسن طریقے سے دریافت کیے، وہ چلی گئی تو حضور صلی اللہ تعالی علیہ وسلم نے فرمایا: یہ وہ خاتون ہے کہ حضرت خدیجہ الکبری کے زمانہ میں اکثر حاضر ہوتی تھی۔
حضور اقدس صلی اللہ تعالی علیہ وسلم فرماتے ہیں :
ان حسن العهد من الايمان
پرانے تعلقات کو ملحوظ رکھنا اور جو تم سے محبت کرے اس کا خیال رکھنا اور جو تیرے محبت کرنے والے سے محبت کرے اس کا خیال رکھنا ایمان کا حصہ ہے۔
حضرت ابو قتادہ رضی اللہ تعالی عنہ روایت کرتے ہیں کہ ایک دفعہ نجاشی کی طرف سے ایک وفد آیا حضور صلی اللہ تعالٰی علیہ وسلم بنفس نفیس ان کی مہمان داری اور خاطر مدارات کا انتظام کرنے لگے۔ صحابہ کرام نے عرض کی یا رسول اللہ ہم حاضر ہیں، ہم ان کی خاطر مدارات میں کوئی کسر نہیں اٹھا رکھیں گے حضور خود کیوں تکلیف فرماتے ہیں اس پر آقا صلی اللہ علیہ وسلم نے ارشاد فرمایا: میرے صحابہ جب وہاں گئے تو ان لوگوں نے ان کی بڑی عزت کی میں چاہتا ہوں کہ ان کی خاطر مدارت کا صلہ میں خود ان کو دوں۔
