Abdullah bin Abil Hamsaa Raziyallahu Ta'ala Anhu ne farmaya ke:
Nabi Kareem ﷺ ki be'sat se pehle main ne Huzoor ﷺ ko koi cheez farokht ki lekin jo cheez main ne farokht ki woh saari ki saari us waqt Huzoor ﷺ ki khidmat mein pesh na kar saka us ka kuch hissa baqi reh gaya. Main ne wada kiya ke Huzoor yahan thehrein main abhi baqiyah le kar hazir hota hoon. Main chala gaya, main yeh baat bhool gaya aur deegar kaamon mein masroof ho gaya. Teen din ke baad mujhe achanak yaad aaya ke main to Aap ke saath wada kar aaya hoon ke main baqiyah cheez Aap ko la kar deta hoon Aap mera intezar karein. Jab main woh cheez le kar wahan pahuncha to Rahmat-e-Do Aalam ﷺ us jagah par tashreef farma the jahan main Huzoor ko chhor kar gaya tha. Nabi Kareem ﷺ ne kisi narazgi aur ghazab ka izhar nahin kiya balkeh apne mann mohne andaz mein itna farmaya:
Ae nojawan! Tu ne mujhe bari takleef pahunchai hai main teen din se yahan tumhare intezar mein baitha hoon.
Akhlaq-e-Rasool ﷺ ke Roshan Pehlu – 7. Wafay-e-Ahd
اخلاقِ رسولﷺ کے روشن پہلو - 7۔ وفائے عہد
عبد اللہ بن ابی الحمسا ء رضی اللہ تعالی عنہ نے فرمایا کہ:
نبی کریم صلی اللہ تعالٰی علیہ وسلم کی بعثت سے پہلے میں نے حضور صلی اللہ تعالی علیہ وسلم کو کوئی چیز فروخت کی لیکن جو چیز میں نے فروخت کی وہ ساری کی ساری اس وقت حضور صلی اللہ تعالی علیہ وسلم کی خدمت میں پیش نہ کر سکا اس کا کچھ حصہ باقی رہ گیا میں نے وعدہ کیا کہ حضور یہاں ٹھہریں میں ابھی بقیہ لے کر حاضر ہوتا ہوں، میں چلا گیا، میں یہ بات بھول گیا اور دیگر کاموں میں مصروف ہو گیا، تین دن کے بعد مجھے اچانک یاد آیا کہ میں تو آپ کے ساتھ وعدہ کر آیا ہوں کہ میں بقیہ چیز آپ کو لا کر دیتا ہوں آپ میرا انتظار کریں۔ جب میں وہ چیز لے کر وہاں پہنچا تو رحمت دو عالم صلی اللہ تعالٰی علیہ وسلم اس جگہ پر تشریف فرما تھے جہاں میں حضور کو چھوڑ کر گیا تھا۔ نبی کریم صلی اللہ تعالی علیہ وسلم نے کسی ناراضگی اور غضب کا اظہار نہیں کیا بلکہ اپنے من موہنے انداز میں اتنا فرمایا :
اے نوجوان ! تو نے مجھے بڑی تکلیف پہنچائی ہے میں تین دن سے یہاں تمھارے انتظار میں بیٹھا ہوں۔
