Yeh i'tiqad rakhna laazim hai ke tamaam Anbiya wa Mursaleen Alaihimus Salatu was Salam ki soorat-o-seerat mein makaarim-e-akhlaq wa mahaamid-e-sifaat aur har qism ke kamaalaat-o-fazaa'il aur mahaasin maujood hote hain. Aur unhein tamaam bani nau'-e-insaan aur afraad-e-bashar par fauqiyat aur tarjeeh haasil hoti hai. Rutbon mein un ka rutbah sab se bada aur darajon mein un ka darjah sab se buland hota hai. Aur un hazraat-e-quds ka darjah aur maqam kitna buland-o-bala hai jin ko Haq Subhanahu wa Ta'ala ne barguzidgi mein muntakhib farmaya aur darjah-e-ijtiba wa istafaa se sarfaraz farma kar apni kitaab mein un ki fazilat aur madh-o-sana bayan farmayi.
Shifa-e-Qazi Iyaz Maliki Rahmatullahi Ta'ala Alaih mein mazkoor hai ke tamaam Anbiya-e-Kiraam Alaihimus Salatu was Salam ke akhlaq-e-karimah sab ke sab fitri, jibilli aur paidaishi hain, na ke iktisabi aur aamaal se haasil kardah. Balkeh awwal-e-khilqat aur asal-e-fitrat mein baghair iktisaab wa riyazat ki mehnat uthaye haasil hain aur woh sab wujood unhi ke ijtibaa aur us ke na-mutanahi fazl ke faiz se hain.
Huzoor Akram Sayyid-e-Aalam ﷺ ki zaat-e-ba-barakaat, aali sifaat, manba-ul-barakaat apne tamaam akhlaq-o-khasaail, sifaat-e-jalaal-o-jamaal mein is qadar a'la wa ashraf, atam wa akmal, ahsan wa ajmal aur khoob roshan wa aqwa hain jo hadd-e-adad aur hitah-e-zabt wa hasr se baahar hain. Aur kamaalaat mein jo kuch khazana-e-qudrat aur martabah-e-imkaan mein maqdoor hai woh tamaam Aap ﷺ ko haasil hain aur tamaam Anbiya wa Mursaleen Aap ﷺ ke aaftab-e-kamaal ke chaand aur anwaar-e-jamaal ke mazahir hain.
Tamaam Anbiya wa Mursaleen jo nishani bhi le kar tashreef laaye woh sab Aap ﷺ hi ke anwaar-o-jamaal-o-jalaal ka partau hain. Bila shubah Aap ﷺ hi fazl ke aaftab hain aur woh sab Aap ﷺ ke sitare hain jin ke anwaar tareeki mein logon ke liye mash'al-e-noor hain. Woh tamaam Rasool Allah ﷺ ke khushah-cheen hain aur Aap ﷺ ke darya-e-fazl ka ek ghont aur samandar ka ek qatra hain.
Huzoor Nabi Kareem ﷺ mahaasin-e-akhlaq ke tamaam goshon ke jaami' the. Yani ilm-o-afw, rahm-o-karam, adl-o-insaaf, jood-o-sakha, isaar-o-qurbani, mehmaan-nawazi, adam-e-tashaddud, shuja'at, ifa-e-ahd, husn-e-mu'aamalah, sabr-o-qana'at, narm guftari, khush-ru'i, milansari, musawat-o-ghamkhwari, saadgi-o-be-takallufi, tawazu' wa inkisari aur haya-daari ki itni buland manzilon par Aap ﷺ fa'iz wa sarfaraz hain ke Hazrat Aishah RaziAllahu Ta'ala Anha ne ek jumle mein us ki sahih tasveer kheenchte hue irshad farmaya:
"Kana Khuluquhul Qur'an."
Yani Ta'leemaat-e-Qur'an par poora poora amal hi Aap ﷺ ke akhlaq the.
Akhlaq-e-Nubuwwat
اخلاق نبوت
یہ اعتقاد رکھنا لازم ہے کہ تمام انبیاء و مرسلین علیہم الصلاۃ و السلام کی صورت وسیرت میں مکارم اخلاق و محامد صفات اور ہر قسم کے کمالات و فضائل اور محاسن موجود ہوتے ہیں۔ اور انھیں تمام بنی نوع انسان اور افراد بشری پر فوقیت اور ترجیح حاصل ہوتی ہے۔ رتبوں میں ان کا رتبہ سب سے بڑا اور درجوں میں ان کا درجہ سب سے بڑا ہوتا ہے۔ اور ان حضرات قدس کا درجہ اور مقام کتنا بلند و بالا جن کو حق سبحانہ و تعالی نے برگزیدگی میں منتخب فرمایا اور درجہ اجتها و اصطفا سے سرفراز فرما کر اپنی کتاب میں ان کی فضیلت اور مدح و ثنا بیان فرمائی۔
شفائے قاضی عیاض مالکی رحمۃ اللہ تعالٰی علیہ میں مذکور ہے کہ تمام انبیاء کرام علیہم الصلاة والسلام کے اخلاق کریمہ سب کے سب فطری جبلی اور پیدائشی ہیں نہ کہ اکتسابی اور اعمال سے حاصل کردہ ہیں بلکہ اول خلقت اور اصل فطرت میں بغیر اکتساب وریاضت کی محنت اٹھائے حاصل ہیں اور وہ سب وجود انہی کے اجتباء اور اس کے نامتناہی فضل کے فیض سے ہیں۔
حضور اکرم سید عالم صلی اللہ تعالیٰ علیہ وسلم کی ذات بابرکات، عالی صفات منبع البرکات اپنے تمام اخلاق و خصائل صفات جلال و جمال میں اس قدر اعلی و اشرف، اتم و اکمل، احسن واجمل اور خوب روشن و اقوی ہیں جو حد عدد اور حیطہ ضبط و حصر سے باہر ہیں اور کمالات میں جو کچھ خزانہ قدرت اور مرتبہ امکان میں منصور ہے وہ تمام آپ کو حاصل ہیں اور تمام انبیاء و مرسلین آپ کے آفتاب کمال کے چاند اور انوار جمال کے مظاہر ہیں۔
تمام انبیاء و مرسلین جو نشانی بھی لے کر تشریف لائے وہ سب آپ ہی کے انوار و جمال و جلال کا پر تو ہیں۔ بلا شبہ آپ ہی فضل کے آفتاب ہیں اور وہ سب آپ کے ستارے ہیں جن کے انوار تاریکی میں لوگوں کے لیے مشعل نور ہیں وہ تمام رسول اللہ کے خوشہ چیں ہیں۔ اور آپ کے دریائے فضل کا ایک گھونٹ اور سمندر کا ایک قطرہ ہیں۔
حضور نبی کریم صلی اللہ تعالی علیہ وسلم محاسن اخلاق کے تمام گوشوں کے جامع تھے یعنی علم و عفو، رحم و کرم عدل و انصاف، جود و سخا، ایثار و قربانی، مهمان نوازی، عدم تشدد شجاعت، ایفائے عہد، حسن معاملہ، صبر و قناعت، نرم گفتاری، خوشروئی ملنساری، مساوات و غم خواری، سادگی و بے تکلفی، تواضع و انکساری، حیاداری کی اتنی بلند منزلوں پر آپ فائز و سرفراز ہیں کہ حضرت عائشہ رضی اللہ تعالی عنہا نے ایک جملے میں اس کی صحیح تصویر کھینچتے ہوئے ارشاد فرمايا:
كان خلقه القرآن۔۔۔یعنی تعلیماتِ قرآن پر پورا پورا عمل یہی آپ کے اخلاق تھے۔
