Huzoor Aqdas ﷺ ki shaan-e-sakhaawat muhtaaj-e-bayaan nahin. Hazrat Abdullah bin Abbas Raziyallahu Ta'ala Anhuma ka bayan hai ke Nabi ﷺ tamaam insaanon se zyada sakhi the. Khusoosan maah-e-Ramazan mein Aap ki sakhaawat is qadar barh jaati thi ke barsne wali badliyon ko uthane wali hawaon se bhi zyada Aap sakhi ho jaate the.
Hazrat Jabir bin Abdullah Raziyallahu Ta'ala Anhu bayan farmate hain ke Huzoor Aqdas ﷺ ne kisi saa'il ke jawab mein, khwah woh kitni hi badi cheez ka sawaal kyun na kare, kabhi "La" (nahin) ka lafz nahin farmaya.
Huzoor Akram ﷺ ki sakhaawat kisi saa'il hi ke sawaal par mahdood-o-munhasir nahin thi, balkeh bina maange hue bhi Aap ne logon ko is qadar maal ata farmaya ke aalam-e-sakhaawat mein is ki misaal nadir-o-nayaab hai.
Neez yeh ke jo bhi aaya aur har koi jo maangta use mil jaata, to is se jood-o-sakha ka isbaat hota hai. Aur is ka yeh matlab hai ke saa'il ke laaiq jo cheez hoti, us ki liyaqat ke mutabiq ata farmate the. Aur basa auqaat aisa bhi hota ke Huzoor ﷺ saa'il ki maslehat ki khaatir na dene mein maslehat-e-waqt mulahazah farmate the. Masalan amal aur hukoomat waghairah ko maangne ke bawajood na ata farmai, taa ke Musalmanon ke muamalaat ke intizaam aur us shakhs ke haal ki durustgi mein koi khalal waqe na ho jaaye. Aur kabhi mukhalafat is gharz se hoti ke woh shakhs tama-e-sawaal aur hirs ki zaleel aadaton mein mubtala na ho jaaye.
Jab Huzoor ﷺ kisi zarooratmand muhtaaj ko mulahazah farmate to apna khaana peena tak utha kar inayat farma dete, halaan ke us ki Aap ko bhi zaroorat hoti. Aap ata-o-tasadduq mein tanawwu farmaya karte: kisi ko hibah farmate, kisi ko haq dete, kisi ko baar-e-qarz se chhurate, kisi ko sadaqah dete, kisi ko hadiyyah farmate. Aur kabhi kapra khareedte aur us ki qeemat ada kar ke us kapre wale ko wahi kapra bakhsh dete.
Aur kabhi qarz lete aur mablagh se zyada ata farmate. Aur kabhi kapra khareed kar us ki qeemat se zyada raqam inayat farma dete. Aur kabhi hadiyyah qubool farmate aur us se kai guna inaam ata farma dete.
Nabi Kareem ﷺ Bani Aadam mein alal-itlaq sab se zyada sahib-e-jood-o-sakha the. Aap ke jood-o-sakha ki mukhtalif qismein theen; yeh khwah ilm-o-maal ki ata mein ho ya bandon ki hidayat ke liye Deen-e-Haq ke izhaar mein zaati jahd-o-koshish mein ho.
Akhlaaq-e-Rasool ﷺ ke Roshan Pehlu – 4. Jood-o-Sakha
اخلاقِ رسولﷺ کے روشن پہلو - 4۔ جودو سخا
حضور اقدس صلی اللہ تعالی علیہ وسلم کی شان سخاوت محتاج بیان نہیں حضرت عبداللہ بن عباس رضی اللہ تعالی عنہا کا بیان ہے کہ نبی صلی اللہ تعالی علیہ وسلم تمام انسانوں سے زیادہ بڑھ کرتی تھے۔ خصوصاً ماہ رمضان میں آپ کی سخاوت اس قدر بڑھ جاتی تھی کہ برسنے والی بدلیوں کو اٹھانے والی ہواؤں سے بھی زیادہ آپ سخی ہوجاتے تھے۔
حضرت جابر بن عبد اللہ رضی اللہ تعالی عنہا بیان فرماتے ہیں کہ حضور اقدس صلی اللہ تعالٰی علیہ وسلم نے کسی سائل کے جواب میں خواہ وہ کتنی ہی بڑی چیز کا سوال کیوں نہ کرے کبھی لا (نہیں) کا لفظ نہیں فرمایا۔
حضور اکرم صلی اللہ علیہ وسلم کی سخاوت کسی سائل ہی کے سوال پر محدود و منحصر نہیں تھی بلکہ بنا مانگے ہوئے بھی آپ نے لوگوں کو اس قدر مال عطا فرمایا کہ عالم سخاوت میں اس کی مثال نادرونایاب ہے۔
نیز یہ کہ جو بھی آیا اور ہر کوئی جو مانگتا اسے مل جاتا تو اس سے جودوسخا کا اثبات ہے اور اس کا یہ مطلب ہے کہ سائل کے لائق جو چیز ہوتی اس کی لیاقت کے مطابق عطا فرماتے تھے، اور بسا اوقات ایسا بھی ہوتا کہ حضور صلی اللہ تعالٰی علیہ وسلم سائل کی مصلحت کی خاطر نہ دینے میں مصلحت وقت ملاحظہ فرماتے تھے۔ مثلا عمل اور حکومت وغیرہ کو مانگنے کے باوجود نہ عطا فرمائی تاکہ مسلمانوں کے معاملات کے انتظام اور اس شخص کے حال کی درستگی میں کوئی خلل واقع نہ ہو جائے ۔ اور کبھی مخالفت اس غرض سے ہوتی کہ وہ شخص طمع سوال اور حرص کی ذلیل عادتوں میں مبتلا نہ ہو جائے۔
جب حضور صلی اللہ تعالی علیہ وسلم کسی ضرورت مند محتاج کو ملاحظہ فرماتے تو اپنا کھانا پینا تک اٹھا کر عنایت فرما دیتے حالاں کہ اس کی آپ کو بھی ضرورت ہوتی، آپ عطا و تصدق میں تنوع فرمایا کرتے کسی کو ہبہ فرماتے کسی کو حق دیتے کسی کو بار قرض سے چھڑاتے کسی کو صدقہ دیتے کسی کو ہدیہ فرماتے، اور کبھی کپڑا خریدتے اور اس کی قیمت ادا کر کے اس کپڑے والے کو وہی کپڑا بخش دیتے اور کبھی قرض لیتے اور مبلغ سے زیادہ عطا فرماتے اور کبھی کپڑا خرید کر اس کی قیمت سے زیادہ رقم عنایت فرما دیتے اور کبھی ہدیہ قبول فرماتے اور اس سے کئی گنا انعام عطا فر ما دیتے۔
نبی کریم صلی اللہ تعالٰی علیہ وسلم بنی آدم میں علی الاطلاق سب سے زیادہ صاحب جودوسخا تھے آپ کے جودوسخا کی مختلف قسمیں تھیں یہ خواہ علم و مال کی عطا میں ہو یا بندوں کی ہدایت کے لیے دین حق کے اظہار میں ذاتی جہد و کوشش میں ہو۔
