Aap ﷺ Shahanshah-e-Konain aur Tajdar-e-Do Aalam hote hue bhi aisi zahidanah aur saadah zindagi basar farmate the ke tareekh-e-aalam mein is ki misaal nahin mil sakti.
Khoraak-o-poshaak, makaan-o-saamaan, rehn-sehn, gharz hayaat-e-mubarakah ke har goshe mein Aap ka zuhd aur duniya se be-raghbati ka aalam is darjah numayan tha ke jis ko dekh kar yahi kaha ja sakta hai ke duniya ki ne'matein aur lazzatein Aap ki nigah-e-nubuwwat mein ek machhar ke par se bhi zyada zaleel-o-haqeer hain.
Hazrat Ayesha Raziyallahu Ta'ala Anha ka bayan hai ke Huzoor ﷺ ki muqaddas zindagi mein kabhi teen din lagataar aise nahin guzre ke Aap ne shikam seer ho kar roti khayi ho. Ek ek maheena tak Kashanah-e-Nubuwwat mein choolha nahin jalta tha aur khajoor aur paani ke siwa Aap ke ghar walon ki koi doosri khoraak nahin hua karti thi.
Halaan ke Allah Ta'ala ne Aap se farmaya ke: "Ae Habib! Agar Aap chahein to main Makkah ki pahariyon ko sona bana doon aur woh Aap ke saath chalti rahen aur Aap un ko jis tarah chahein kharch karte rahen." Magar Aap ne is ko pasand nahin kiya aur Bargah-e-Khudawandi mein arz ki:
"Ae mere Rabb! Mujhe yahi zyada mahboob hai ke main ek din bhooka rahoon aur ek din khana khaoon, taa ke bhook ke din khoob gidgida kar Tujh se duaein maangoon aur aasoodagi ke din Teri hamd karoon aur Tera shukr baja laoon."
Hazrat Ayesha Raziyallahu Ta'ala Anha farmati hain ke Huzoor ﷺ jis bistar par sote the woh chamre ka gadda tha jis mein rooi ki jagah darakhton ki chhaal bhari hui thi.
Hazrat Hafsah Raziyallahu Ta'ala Anha farmati hain ke meri baari ke din Huzoor Aqdas ﷺ ek mote taat par soya karte the jis ko main do teh kar ke bichha diya karti thi. Ek martabah main ne us taat ko chaar teh kar ke bichha diya to subah ko Aap ne irshaad farmaya:
"Pehle ki tarah tum is taat ko dohra kar ke bichha diya karo, kyun ke mujhe andeshah hai ke is bistar ki narmi se kahin mujh par gehri neend ka hamlah ho jaaye to meri Namaz-e-Tahajjud mein khalal paida ho jaayega."
Akhlaaq-e-Rasool ﷺ ke Roshan Pehlu – 3. Zahidanah Zindagi
اخلاقِ رسولﷺ کے روشن پہلو - 3۔زاہدانہ زندگی
آپ صلی اللہ علیہ وسلم شہنشاہ کونین اور تاجدارِ دو عالم ہوتے ہوئے بھی ایسی زاہدانہ اور سادہ زندگی بسر فرماتے تھے کہ تاریخ عالم میں اس کی مثال نہیں مل سکتی۔
خوراک و پوشاک، مکان و سامان، رہن سہن غرض حیات مبارکہ کے ہر گوشہ میں آپ کا زہد اور دنیا سے بے رغبتی کا عالم اس درجہ نمایاں تھا کہ جس کو دیکھ کر یہی کہا جا سکتا ہے کہ دنیا کی نعمتیں اور لذتیں آپ کی نگاہ نبوت میں ایک مچھر کے پر سے بھی زیادہ ذلیل و حقیر ہیں۔
حضرت عائشہ رضی اللہ تعالیٰ عنہا کا بیان ہے کہ حضور صلی اللہ تعالٰی علیہ وسلم کی مقدس زندگی میں کبھی تین دن لگا تار ایسے نہیں گزرے کہ آپ نے شکم سیر ہو کر روٹی کھائی ہو۔ ایک ایک مہینہ تک کاشانہ نبوت میں چولہا نہیں جلتا تھا اور کھجور اور پانی کے سوا آپ کے گھر والوں کی کوئی دوسری خوراک نہیں ہوا کرتی تھی۔
حالاں کہ اللہ تعالیٰ نے آپ سے فرمایا کہ اے حبیب اگر آپ چاہیں تو میں مکہ کی پہاڑیوں کو سونا بنا دوں اور وہ آپ کے ساتھ چلتی رہیں اور آپ ان کو جس طرح چاہیں خرچ کرتے رہیں مگر آپ نے اس کو پسند نہیں کیا اور بارگاہ خداوندی میں عرض کی:
اے میرے رب مجھے یہی زیادہ محبوب ہے کہ میں ایک دن بھوکا رہوں اور ایک دن کھانا کھاؤں تا کہ بھوک کے دن خوب گڑگڑا کر تجھ سے دعائیں مانگوں اور آسودگی کے دن تیری حمد کروں اور تیرا شکر بجالاؤں۔
حضرت عائشہ رضی اللہ تعالی عنہا فرماتی ہیں کہ: حضور صلی اللہ تعالیٰ علیہ وسلم جس بستر پر سوتے تھے وہ چمڑے کا گدا تھا جس میں روئی کی جگہ درختوں کی چھال بھری ہوئی تھی۔
حضرت حفصہ رضی اللہ تعالیٰ عنہا فرماتی ہیں کہ: میری باری کے دن حضور اقدس صلی اللہ تعالی علیہ وسلم ایک موٹے ٹاٹ پر سویا کرتے تھے جس کو میں دو تہہ کر کے بچھا دیا کرتی تھی۔ ایک مرتبہ میں نے اس ٹاٹ کو چار تہ کر کے بچھا دیا تو صبح کو آپ نے ارشاد فرمایا کہ پہلے کی طرح تم اس ٹاٹ کو دہرا کر کے بچھا دیا کرو کیوں کہ مجھے اندیشہ ہے کہ اس بستر کی نرمی سے کہیں مجھ پر گہری نیند کا حملہ ہو جائے تو میری نماز تہجد میں خلل پیدا ہو جائے گا۔
