Jumhoor Ahl-e-Seer aur Arbab-e-Tawarikh ka is par ittifaq hai ke Rasool Allah ﷺ ki Wiladat-e-Mubarak Aam-ul-Feel ke chalis ya pachpan din baad hui. Yeh qawl sab se zyada sahih hai.
Yeh bhi mashhoor hai ke Wiladat Mah-e-Rabi-ul-Awwal mein hui. Baaz ulama is ko ikhtiyar karte hain, aur baaz 12 Rabi-ul-Awwal ke qaail hain. Baaz 2 Rabi-ul-Awwal aur baaz 8 Rabi-ul-Awwal ki raat guzarne ke baad kehte hain. Bahut se ulama ne is qawl ko ikhtiyar kiya hai, aur baaz 10 Rabi-ul-Awwal ke bhi qaail hain. Lekin pehla qawl, ya'ni 12 Rabi-ul-Awwal, zyada mashhoor wa aksar hai. Isi par Ahl-e-Makkah ka amal hai. Wiladat-e-Sharif ke maqam ki ziyaarat isi raat karte hain aur Milad-e-Sharif padhte hain.
Yeh Wiladat-e-Mubarak 12 Rabi-ul-Awwal ki raat, roz-e-Doshanbah (Peer) waqia hui. Wahy ki ibtida, Hijrat, Madinah Munawwarah pahunchna, Fath-e-Makkah aur Wafat-e-Sharif bhi roz-e-Doshanbah hi hui.
Aur waqt-e-Wiladat-e-Mubarak Subh-e-Sadiq mein, tulu'-e-aftab se pehle aur Ghafr ke tulu' ke waqt hua. Ghafr manazil-e-fajr ke teen chhote sitaron ko kehte hain.
Mawahib-e-Ladunniyyah mein hai ke tamam Anbiya عليهم السلام ki Wiladat ka waqt bhi yahi hai. Aur aksar akhbar mein Wiladat-e-Sharif ka waqt tulu'-e-fajr bayan hua hai. Baaz riwayaton mein raat ka bhi zikr aaya hai, jis se murad bhi yahi tulu'-e-fajr hai, chunanche is ko raat ke muttasil shumar kiya ja sakta hai.
Mawahib-e-Ladunniyyah mein Shaykh Badr-ud-Deen Zarkashi se manqool hai ke unhon ne farmaya:
"Sahih yeh hai ke Wiladat-e-Sharif khoob roshan waqt mein hui jo din ki ibtida hai."
Yeh jo kaha jata hai ke us waqt sitare toote aur shahab-e-saqib jharay, ise sirf raat par mahmool nahin karna chahiye. Is liye ke Nubuwwat aur Wiladat ka zamanah khawariq-e-'adat aur mu'jizat ke zuhoor ka zamanah hai. Lihaza mumkin hai ke sitaron waghairah ka tootna din mein hua ho.
Aur baaz munajjimeen aur is fann ke maahireen Wiladat-e-Sharif ki sa'at ko sab se zyada sa'eed sa'at shumar karte hain, aur Rawzat-ul-Ahbab mein bhi ise bayan kiya gaya hai.
Magar haqq yeh hai ke Huzoor Akram ﷺ ne kisi zamane ke saath sharafat wa buzurgi hasil nahin ki, balkeh zamane ne Aap se sharafat wa buzurgi pai hai. Jis tarah deegar maqamat-e-muqaddasah ko maqeen se sharafat wa buzurgi hasil hoti hai.
Aur yahi hikmat hai ke Huzoor Akram ﷺ ki Wiladat-e-Mubarak kisi aise maheene mein nahin hui jo pehle hi buzurgi wa barakat ke saath mashhoor ho, jaise Mah-e-Muharram, Mah-e-Rajab ya Mah-e-Ramazan, jaisa ke baaz shaaz riwayaton mein aaya hai.
Isi tarah din ki bhi yahi hikmat hai. Tamam dinon mein Jumu'ah ka din afzal hai. Isi din Hazrat Adam عليه السلام paida hue aur isi din ek aisi sa'at hai ke jis mein ki gai dua maqbool hoti hai. Lekin yeh sa'at us sa'at ko kahan pahunch sakti hai jis mein Sayyid-ul-Mursaleen ﷺ ne toulud farmaya.
Sahib-e-Mawahib farmate hain ke Haqq Ta'ala ne Roz-e-Doshanbah, jo Huzoor ﷺ ki Wiladat-e-Mubarak ka din hai, ibadat ke liye is tarah khaas nahin farmaya jis tarah Roz-e-Jumu'ah ko khaas farmaya, jo Hazrat Adam عليه السلام ki takhleeq ka din hai.
Is ki wajah apne Habib ﷺ ki karamat aur Aap ki ummat par Aap ke wujood-e-ba-jood ki inayat ke sabab se takhfeef hai.
Wiladat-e-Tayyibah
ولادتِ طیبہ
جمہور اہل سیر اور ارباب تواریخ کا اس پر اتفاق ہے کہ رسول اللہ صلی اللہ تعالی علیہ وسلم کی ولادت مبارک عام الفیل کے چالیس یا پچپن دن کے بعد ہوئی ہے۔ یہ قول سب سے زیادہ صیح ہے اور یہ بھی مشہور ہے کہ ماہ ربیع الاول میں ولادت ہوئی ہے اور بعض علماء اس کو اختیار کرتے ہیں اور بعض بارہ بھی کہتے ہیں اور بعض دو ربیع الاول اور بعض آٹھ ربیع الاول کی رات گزرنے کے بعد کہتے ہیں ۔ بہت سے علماء اس کو اختیار کرتے ہیں اور بعض دس بھی کہتے ہیں لیکن پہلا قول یعنی بارہ ربیع الاول کا زیادہ مشہور واکثر ہے۔ اس پر اہل مکہ کا عمل ہے ولادت شریف کے مقام کی زیارت اسی رات کرتے ہیں اور میلاد شریف پڑھتے ہیں۔
یہ ولادت مبارکہ بارہویں ربیع الاول کی رات روز دوشنبہ واقع ہوئی اور وحی کی ابتداء، ہجرت، مدینہ منورہ پہنچنا، فتح مکہ اور وفات شریف بھی روز دوشنبہ ہوئی اور وقت ولادت مبارک صبح صادق میں طلوع آفتاب سے پہلے اور غفر کے طلوع کے وقت ہوئی "غفر" منازل فجر کے تین چھوٹے ستاروں کو کہتے ہیں۔
مواہب لدنیہ میں ہے کہ تمام انبیاء علیہم السلام کی ولادت کا وقت یہی ہے اور اکثر اخبار میں ولادت شریف کا وقت طلوع فجر ہے اور بعض روایت میں رات بھی آیا ہے اس سے یہی طلوع فجر مراد ہے چوں کہ اس کو رات کے متصل شمار کر سکتے ہیں۔
مواہب لدنیہ میں شیخ بدر الدین زرکشی سے منقول ہے انھوں نے کہا کہ صحیح یہ ہے کہ ولادت شریف خوب روشن وقت میں ہوئی جو دن کی ابتداء ہے۔ یہ کہا جاتا ہے کہ اس وقت ستارے ٹوٹے اور شہاب ثاقب جھڑے اسے رات پر محمول نہ کرنا چاہیئے اس لیے کہ نبوت و ولادت کا زمانہ خوارق عادات اور معجزات کے ظہور کا زمانہ ہے لہذا ممکن ہے ستاروں وغیرہ کا ٹوٹنا دن میں ہوا ہو۔ اور بعض منجمین اور اس فن کے ماہرین ولادت شریف کی ساعت کو سب سے زیادہ سعید ساعت شمار کرتے ہیں اور روضتہ الاحباب میں اسے بیان کیا گیا ہے۔
مگر حق یہ ہے کہ حضور اکرم صلی اللہ تعالی علیہ وسلم نے کسی زمانہ کے ساتھ شرافت و بزرگی حاصل نہیں کی ہے بلکہ زمانہ نے آپ سے شرافت و بزرگی پائی ہے ۔ جس طرح کہ دیگر مقامات مقدسہ ہیں کہ مکان کو مکین سے شرافت و بزرگی حاصل ہوتی ہے اور یہی حکمت ہے کہ حضور اکرم صلی اللہ تعالی علیہ وسلم کی ولادت مبارکہ کسی ایسے مہینہ میں نہیں ہوئی جو بزرگی و برکت کے ساتھ مشہور ہو جیسے ماہ محرم، ماہ رجب، ماہ رمضان وغیره جیسا کہ بعض شاذ روایتوں میں آیا ہے اور یہی حکمت دن کی ہے کیوں کہ تمام دنوں میں جمعہ کا دن افضل ہے اور اسی دن آدم علیہ السلام پیدا ہوئے اور اس دن میں ایک ساعت ایسی ہے کہ اس ساعت میں جو دعا مانگی جائے مستجاب ہو گی لیکن یہ ساعت اس ساعت کو کہاں پہنچ سکتی ہے کہ جس ساعت میں سید المرسلین صلی اللہ تعالی علیہ وسلم نے تولد فرمایا۔
صاحب مواہب فرماتے ہیں کہ حق تعالی نے روز دو شنبہ کو جو کہ حضور صلی اللہ تعالی علیہ وسلم کی ولادت مبارکہ کا دن ہے عبادت کے لیے خاص نہیں فرمایا جیسا کہ روز جمعہ کو مخصوص فرمایا جو آدم علیہ السلام کی تخلیق کا دن ہے۔ اس کی وجہ اپنے حبیب صلی اللہ تعالی علیہ وسلم کی کرامت اور آپ کی امت پر آپ کے وجود با وجود کی عنایت کے سبب سے تخفیف ہے۔
