Huzoor Akram ﷺ shikam-e-madar mein nau maheenay kaamil rahe. Madar-e-Muhtaramah ne aam aurton ki tarah kisi qism ki girani-e-baar, dard aur tabiyat ki badmazgi mehsoos na ki.
Sayyidah Aaminah رضي الله تعالى عنها farmati hain:
"Mujhe maloom hi na tha ke main haml se hoon. Sirf itna tha ke haiz band ho gaya tha."
Lekin baaz riwayaton mein aaya hai ke farmaya: "Kuch bojh sa maloom hota hai."
Abu Nu'aym ne dono riwayaton mein tatbeeq is tarah di hai ke ibtida-e-'uluq mein saql maloom hota tha, magar muddat guzar jaane ke baad haml mein khiffat mehsoos hone lagi. Aur yeh dono baatein khilaf-e-aadat wa dastoor hain, jaisa ke Mawahib mein hai.
Neez Abu Nu'aym Hazrat Ibn Abbas رضي الله تعالى عنهما se riwayat karte hain ke Hazrat Aaminah رضي الله تعالى عنها ke Rasool Allah ﷺ se hamilah hone ke dalail mein se ek baat yeh thi ke Quraysh ke har chopaye ne us raat goyai ki aur kaha:
"Qasam hai Khanah Ka'bah ke Rab ki! Aaj raat Allah ka Rasool haml mein tashreef laya hai, jo saari duniya ka Imam aur tamam jahan walon ka Aftab hai."
Aur ek riwayat mein aaya hai ke ru-e-zameen ke tamam chopaye us raat goya hue aur sab ne isi tarah ki basharat di.
Sayyidah Aaminah رضي الله تعالى عنها farmati hain:
"Main khwab aur bedaari ki darmiyani halat mein thi ke kisi ne nida di: 'Ae Aaminah! Tum haml se ho.' Goya ke main nahin jaanti thi ke main haml se hoon. Is ke baad bataya ke tum is ummat ke afzal se hamilah ho."
Aur ek riwayat mein hai:
"Tum saari makhluq ke afzal se hamilah ho."
Us waqt mujhe maloom hua ke main haml se hoon.
Aur farmati hain ke haml ke har maheenay mein aasman aur zameen ke darmiyan yeh aawaz suna karti:
"Tumhein mubarak ho! Woh waqt qareeb aa pahuncha hai ke Abul Qasim ﷺ duniya mein jalwah-afroz hone wale hain, jo sahib-e-khair-o-barakat hain."
Yeh riwayat bahut hi za'eef hai.
Muddat-e-Haml
مدت حمل
حضور اکرم صلی اللہ تعالیٰ علیہ وسلم شکم مادر میں نو مہینے کامل رہے مادر محترمہ نے عام عورتوں کی طرح کسی قسم کی گرانی بار، درد اور طبیعت کی بدمزگی محسوس نہ کی۔ سیدہ آمنہ رضی اللہ تعالی عنہا فرماتی ہیں کہ: مجھے معلوم ہی نہ تھا کہ میں حمل سے ہوں صرف اتنا تھا کہ حیض بند ہو گیا تھا۔ لیکن بعض روایتوں میں آیا ہے کہ فرمایا کچھ بوجھ سا معلوم ہوتا ہے۔ ابو نعیم نے دونوں روایتوں کی جمع تطبیق اس طرح کی ہے کہ ابتداء علوق میں ثقل معلوم ہوتا تھا مگر مدت گزر جانے کے بعد حمل میں خفت محسوس ہونے لگی اور یہ دونوں باتیں خلاف عادت و دستور ہیں۔ جیسا کہ مواہب میں ہے۔
نیز ابو نعیم حضرت ابن عباس رضی اللہ تعالی عنہما سے روایت کرتے ہیں کہ: حضرت آمنہ رضی اللہ تعالی عنہا کے رسول اللہ صلی اللہ تعالی علیہ وسلم سے حاملہ ہونے کے دلائل میں سے ایک بات یہ تھی کہ قریش کے ہر چوپایہ نے اس رات گویائی کی اور کہا کہ قسم ہے خانہ کعبہ کے رب کی آج رات اللہ کا رسول حمل میں تشریف لایا ہے جو ساری دنیا کا امام اور تمام جہان والوں کا آفتاب ہے اور ایک روایت میں آیا ہے کہ روئے زمین کے تمام چوپائے اس رات گویا ہوئے اور سب نے اسی طرح کی بشارت دی ۔
سیدہ آمنہ فرماتی ہیں کہ میں خواب و بیداری کی درمیانی حالت میں تھی کہ کسی نے ندادی اے آمنہ تم حمل سے ہو گویا کہ میں نہیں جانتی تھی کہ میں حمل سے ہوں۔ اس کے بعد بتایا کہ تم اس امت کے افضل سے حاملہ ہو۔ اور ایک روایت میں ہے کہ ساری مخلوق کے افضل سے حاملہ ہو۔ اس وقت مجھے معلوم ہوا کہ میں حمل سے ہوں اور فرماتی ہیں کہ حمل کے ہر مہینہ میں آسمان وزمین کے درمیان میں یہ آواز سنا کرتی کہ تمھیں مبارک ہو وہ وقت قریب آپہنچا ہے کہ ابو القاسم صلی اللہ تعالی علیہ وسلم دنیا میں جلوہ افروز ہونے والے ہیں۔ جو صاحب خیر و برکت ہیں۔ یہ روایت بہت ہی ضعیف ہے۔
