Huzoor Akram ﷺ ki zaat-e-mubarak mein ilm-o-waqar aur Aap ki harkaat-o-sakanaat mein bardbari wa ahistagi aisi thi jo kisi doosre mein mumkin nahin. Hadees-e-Pak mein marwi hai ke Aap Majlis-e-Mubarak mein sab logon se barh kar ba-waqar the, aur Aap ke jism-o-a'za ka koi uzw bahar na lagta tha, jis tarah aam tor par koi haathon ko ghumata hai, koi paon phelata hai waghairah.
Huzoor Akram ﷺ bahut zyada khamoshi pasand the aur zarurat ke waqt hi kalaam farmaya karte the. Aur jo koi ghair-e-jameel, ya'ni baghair husn-o-khoobi ke baat karta, Aap us se rukh pher liya karte. Aap ka kalaam qawl-e-faisal hota. Izhar-e-matlab mein alfaaz na zyada hote na kam.
Ibn Abi Halah ki hadees mein hai ke Huzoor Anwar ﷺ ki khamoshi pasandi ka sabab chaar cheezen thin: Hilm, Hazar ya'ni Khashyat-e-Ilahi, Taqdeer, aur Nazar ya'ni Ghor-o-Khoz.
Aap ka hansna muskurane ki had tak tha aur Aap ke huzoor mein Sahaba ka hansna bhi Aap ki pairawi aur ittiba hi mein tha.
Aap ki Majlis-e-Mubarak ilm-o-haya aur khair-o-amanat ki majlis thi, jis mein aawazen buland na hotin aur buri baaton se ijtinab kiya jata tha.
Jab Huzoor ﷺ kalaam farmate to tamam Sahaba-e-Kiram apne saron ko jhuka lete, goya ke un ke saron par parinday baithe hue hain, agar sar uthaya to woh urr jayenge.
Sahib-us-Shifa ne Sahaba-e-Kiram ki is halat ko Huzoor Akram ﷺ ke kalaam farmane ki halat ke saath makhsoos wa muqayyad kiya hai, halaanke deegar kitabon mein mutlaqan aaya hai ke Majlis-e-Nabawi ki hazri mein Sahaba-e-Kiram ki hamesha yahi halat rehti thi.
Ek hadees mein hai ke Sayyiduna Abu Bakr Siddiq رضي الله تعالى عنه Huzoor ﷺ ki majlis mein munh mein sang-rezah rakh kar baitha karte the taa ke baat na kar saken. Yeh Huzoor Akram ﷺ ke jamal par muhabbat ki lari mein paro kar nazar jamaye rakhte the.
Aap ki nashist-o-barkhast, raftaar-o-guftaar aur har ada mein ek khaas Paighambarana waqar paya jata tha, jis se Aap ki azmat-e-nubuwwat ka jah-o-jalal aftab-e-alam-tab ki tarah har khaas-o-aam ki nazron mein numayan rehta tha.
(Madarij-un-Nubuwwah, Jild Awwal; Seerat-e-Mustafa)
Akhlaq-e-Rasool ﷺ ke Roshan Pehlu – 6. Waqar o Dabdaba
اخلاقِ رسولﷺ کے روشن پہلو - 6۔ وقار و دبدبہ
حضور اکرم صلی اللہ تعالٰی علیہ وسلم کی ذات مبارک میں علم و وقار اور آپ کے حرکات و سکنات میں بردباری و آہستگی ایسی تھی جو کسی دوسرے میں ممکن نہیں، حدیث پاک میں مروی ہے کہ آپ مجلس مبارک میں سب لوگوں سے بڑھ کر باوقار تھے، اور آپ کے جسم و اعضا کا کوئی عضو باہر نہ لگتا تھا جس طرح عام طور پر کوئی ہاتھوں کو گھماتا ہے کوئی پاؤں پھیلاتا ہے وغیرہ۔
حضور اکرم صلی اللہ تعالیٰ علیہ وسلم بہت زیادہ خاموش پسند تھے اور ضرورت کے وقت ہی کلام فرمایاکرتے تھے اور جو کوئی غیر جمیل یعنی بغیر حسن و خوبی کے بات کرتا آپ اس سے رخ پھیر لیا کرتے، آپ کا کلام قول فیصل ہوتا اظہار مطلب میں الفاظ نہ زیادہ ہوتے نہ کم۔
ابن ابی ہالہ کی حدیث میں ہے کہ:
حضور انور صلی اللہ تعالٰی علیہ وسلم کی خاموش پسندی کا سبب چار چیزیں تھیں۔ حلم، حذر یعنی خشیت الہی تقدیر، اور نظر یعنی غور و خوض
آپ کا ہنسنا مسکرانے کی حد تک تھا اور آپ کے حضور میں صحابہ کا ہنسنا بھی آپ کی پیروی اور اتباع ہی میں تھا۔ آپ کی مجلس مبارک علم وحیا اور خیر و امانت کی مجلس تھی جس میں آوازیں بلند و اونچی نہ ہوتیں، بری باتوں سے اجتناب کیا جاتا تھا۔
جب حضور صلی اللہ تعالی علیہ کلام فرماتے تو تمام صحابہ کرام اپنے سروں کو جھکا لیتے گویا کہ ان کے سروں پر پرندے بیٹھے ہوئے اگر سر اٹھایا تو وہ اڑ جائیں گے ہیں۔
صاحب الشفاء نے صحابہ کرام کی اس حالت کو حضور اکرم صلی اللہ تعالی علیہ وسلم کے کلام فرمانے کی حالت کے ساتھ مخصوص و مقید کیا ہے،حالاں کہ دیگر کتابوں میں مطلقاً آیا ہے کہ مجلس نبوی کی حاضری میں صحابہ کرام کی ہمہ وقت یہی حالت رہتی تھی۔
ایک حدیث میں ہے کہ سیدنا ابو بکر صدیق رضی اللہ تعالٰی عنہ حضور صلی اللہ تعالٰی علیہ وسلم کی مجلس میں منھ میں سنگ ریزہ رکھ کر بیٹھا کرتے تھے تا کہ سانس نہ گھٹے اور بات نہ کر سکیں، یہ حضور اکرم صلی اللہ تعالی علیہ وسلم کے جمال پر محبت کی لڑی میں پرو کر نظر جمائے رکھتے تھے۔
آپ کی نشست و برخاست، رفتار و گفتار ہر ادا میں ایک خاص پیغمبرانہ وقار پایا جاتا تھا جس سے آپ کی عظمت نبوت کا جاہ و جلال آفتاب عالم تاب کی طرح ہر خاص و عام کی نظروں میں نمودار رہتا
(مدارج النبوة جلد اول،سیرت مصطفیٰ)
