Huzoor ﷺ ki shan-e-tawazu bhi saare aalam se nirali thi. Allah Ta'ala ne Aap ko yeh ikhtiyar ata farmaya ke ae Habeeb! Agar Aap chahein to shahana zindagi basar farmaen aur agar chahein to ek bande ki zindagi guzaren. To Aap ne banda ban kar zindagi guzarne ko pasand farmaya.
Hazrat Israfeel Alaihissalatu Was Salam ne Aap ki yeh tawazu dekh kar farmaya ke: "Ya Rasool Allah ﷺ! Aap ki is tawazu ke sabab se Allah Ta'ala ne Aap ko yeh jaleel-ul-qadr martabah ata farmaya hai ke Aap tamam aulad-e-Adam mein sab se zyada buzurg aur buland martabah hain, aur Qiyamat ke din sab se pehle Aap apni qabr-e-anwar se uthaye jayenge aur maidan-e-hashr mein sab se pehle Aap shafaat farmaenge."
Hazrat Abu Sa'eed Khudri Raziyallahu Ta'ala Anhu ne farmaya ke Huzoor ﷺ apne gharelu kaam khud apne dast-e-mubarak se kar liya karte the, apne khadimon ke saath baith kar khana tanawul farmate the aur ghar ke kaamon mein Aap apne khadimon ki madad farmaya karte the.
Ek shakhs darbar-e-risalat mein hazir hua to jalalat-e-nubuwwat ki haibat se ek dam khaif ho kar larzah bar andam ho gaya aur kanpne laga. To Aap ne irshad farmaya: "Tum bilkul mat daro. Main na koi badshah hoon aur na koi jabbar hakim. Main to Quraish ki ek aurat ka beta hoon jo khushk gosht ki bootiyan khaya karti thin."
Fath-e-Makkah ke din jab fatehana shan ke saath Aap apne lashkaron ke hujoom mein shahar ke andar dakhil hone lage to us waqt Aap par tawazu aur inkisari ki aisi tajalli numudar thi ke Aap oontni ki peeth par is tarah sar jhukaye hue baithe the ke Aap ka sar-e-mubarak kajawah ke agle hisse se laga hua tha.
Isi tarah jab Hajjat-ul-Wida mein Aap ek lakh shama-e-nubuwwat ke parwanon ke saath apni muqaddas zindagi ke aakhri Hajj mein tashreef le gaye to Aap ki oontni par ek purana palan tha aur Aap ke jism-e-anwar par ek chadar thi jis ki qeemat chaar dirham se zyada na thi.
Usi oontni ki pusht par aur usi libas mein Aap ne Khudawand-e-Zuljalal ke Naib-e-Akram aur Tajdar-e-Do Aalam hone ki haisiyat se apna shahanshahi khutbah padha, jis ko ek lakh se zyada farzandan-e-tauheed hama tan gosh ban kar sun rahe the.
Akhlaq-e-Rasool ﷺ ke Roshan Pehlu – 1. Tawazu
اخلاقِ رسولﷺ کے روشن پہلو - 1۔ تواضع
حضور صلی اللہ تعالٰی علیہ وسلم کی شان تو اضع بھی سارے عالم سے نرالی تھی، اللہ تعالی نے آپ کو یہ اختیار عطافرمایا کہ اے حبیب اگر آپ چاہیں تو شاہانہ زندگی بسر فرمائیں اور اگر آپ چاہیں تو ایک بندے کی زندگی گزاریں تو آپ نے بندہ بن کر زندگی گزارنے کو پسند فرمایا۔ حضرت اسرائیل علیہ الصلاۃ والسلام نے آپ کی یہ تواضع دیکھ کر فرمایا کہ یا رسول اللہ صلی اللہ تعالی علیہ وسلم آپ کی اس تواضع کے سبب سے اللہ تعالی نے آپ کو یہ جلیل القدر مرتبہ عطا فرمایا ہے کہ آپ تمام اولاد آدم میں سب سے زیادہ بزرگ اور بلند مرتبہ ہیں اور قیامت کے دن سب سے پہلے آپ اپنی قبر انور سے اٹھائے جائیں گے اور میدان حشر میں سب سے پہلے آپ شفاعت فرمائیں گے۔
حضرت ابو سعید خدری رضی اللہ تعالی عنہ نے فرمایا کہ حضور صلی اللہ تعالیٰ علیہ وسلم اپنے گھریلو کام خود اپنے دست مبارک سے کر لیا کرتے تھے، اپنے خادموں کے ساتھ بیٹھ کر کھانا تناول فرماتے تھے اور گھرکے کاموں میں آپ اپنے خادموں کی مدد فرمایا کرتے تھے۔
ایک شخص دربار رسالت میں حاضر ہوا تو جلالت نبوت کی مصیبت سے ایک دم خائف ہو کر لرزہ بر اندام ہو گیا اور کانپنے لگا تو آپ نے ارشاد فرمایا کہ تم بالکل مت ڈرو، میں نہ کوئی بادشاہ ہوں نہ کوئی جبار حاکم میں تو قریش کی ایک عورت کا بیٹا ہوں جو خشک گوشت کی بوٹیاں کھایا کرتی تھیں۔
فتح مکہ کے دن جب فاتحانہ شان کے ساتھ آپ اپنے لشکروں کے ہجوم میں شہر کے اندر داخل ہونے لگے تو اس وقت آپ پر تواضع اور انکساری کی ایسی تجلی نمودار تھی کہ آپ اونٹنی کی پیٹھ پر اس طرح سر جھکائے ہوئے بیٹھے تھے کہ آپ کا سر مبارک کجاوہ کے اگلے حصہ سے لگا ہوا تھا۔
اسی طرح جب حجتہ الوداع میں آپ ایک لاکھ شمع نبوت کے پروانوں کے ساتھ اپنی مقدس زندگی کے آخری حج میں تشریف لے گئے تو آپ کی اونٹنی پر ایک پرانا پالان تھا اور آپ کے جسم انور پر ایک چادر تھی جس کی قیمت چار درہم سے زیادہ نہ تھی، اس اونٹنی کی پشت پر اور اسی لباس میں آپ نے خداوند ذوالجلال کے نائب اکرم اور تاجدار دو عالم ہونے کی حیثیت سے اپنا شہنشاہی خطبہ پڑھا جس کو ایک لاکھ سے زائد فرزندان توحید ہمہ تن گوش بن کر سن رہے تھے۔
