Maqam-e-Risalat

Kiya iqrar sab ne rif'at-e-shaan-e-muqaddas ka

Parha har aik ne kalma tumhara Ya Rasool Allah

Kiya rahmat se apni aap ne ummat ko yaad us dam

Likhun jood-o-karam kya kya tumhara Ya Rasool Allah

Khayal-o-fikr ka bhi pohanchna hai jis jagah mushkil

Qadam be-shak wahan pohancha tumhara Ya Rasool Allah

Kiya naazil Khuda ne aap par jis dam salam apna

Farishton mein hua charcha tumhara Ya Rasool Allah

Khudawand-e-Ta'ala ne bulaya arsh par tum ko

Buraq-e-khuld markab tha tumhara Ya Rasool Allah

Bayan kab ho sake rutba tumhara Ya Rasool Allah

Keh rutba sab se hai a'la tumhara Ya Rasool Allah