پژمردہ نگاہوں کو کھلانے کے لئے آ
اے شاہ ! بہار آگیں بنانے کے لئے آ
بنجر ہی نہ ہو جائے کہیں فکر کی دھرتی
اے ابرِ کرم ! نعت اگانے کے لئے آ
اک گنبدِ سر سبز کا دیدار ہوا ہے
اس خواب کی تعبیر بتانے کے لئے آ
خستہ ہوا جاتا ہے دیارِ دلِ نم ناک
مسعود مکیں ! دل سے نہ جانے کے لئے آ
اے بندہ نواز ! آس کہیں ٹوٹ نہ جائے
مسکین کی امید بندھانے کے لئے آ
اسلام کے لٹ جانے کا خدشہ ہے نگہبان !
سوئی ہوئی امت کو جگانے کے لئے آ
صد شکر کہ لے آیا نصیب ان کی گلی میں
اے موت ! ٹھکانے سے لگانے کے لئے آ
اے نور ! ترے دم سے ہے تنویر سحر کی
لو شمعِ محبت کی بڑھانے کے لئے آ
غلام جیلانی سحر
???? ????ℯ?? ________________________________
ᴀᴅᴍɪɴ – https://www.facebook.com/OwaisRazvi
Academy Group Only Writer & Poets
https://www.facebook.com/groups/NaatAcademyIndia/
????? ???? ????? ?www.NaatAcademy.com