نعمتیں بانٹتا جِس سَمْت وہ ذِیشان گیا

Ne’matein baantta jis samt wo zeeshaan gay a
Saath hi munshi e rahmat ka qalamdaan gaya

Le khabar jald key ghairon ki taraf dhyaan gaya
Mere Mawla mere Aaqa tere qurbaan gaya

Aah wo aankh key naakaame tammanna hi rahi
Haaye wo dil jo tere dar sey pur armaan gaya

Dil hay wo dil jo teri yaad sey ma’moor raha
Sar hay wo sar jo tere qadmon pe qurbaan gaya

Unhein jaana unhein maana na rakha ghair sey kaam
Lillahil hamd main duniya sey musalmaan gaya

Aur tum par mere Aaqa ki ‘inayat na sahi
Najdiyon kalmah parhaane ka bhi ehsaan gaya

Aaj le unki panaah aaj madad maang un sey
Phir na maanenge qayaamat mein agar maan gaya

Uf re munkir ye barha joshe ta’assub aakhir
Bheer mein haath sey kam bakht key imaan gaya

Jaan o dil hosh o khirad sab to Madine pahunche
tum nahin chalte Raza saara to saamaan gaya

– AalaHazrat

نعمتیں بانٹتا جِس سَمْت وہ ذِیشان گیا
ساتھ ہی مُنشِیِ رحمت کا قلم دَان گیا

لے خبر جلد کہ غیروں کی طرف دِھیان گیا
میرے مولیٰ مِرے آقا تِرے قربان گیا

آہ وہ آنکھ کہ ناکامِ تَمنّا ہی رہی
ہائے وہ دِل جو ترے دَر سے پُر اَرمان گیا

دِل ہے وہ دِل جو تری یاد سے مَعمور رہا
سر ہے وہ سر جو ترے قدموں پہ قربان گیا

انھیں جانا انھیں مانا نہ رکھا غیر سے کام
لِلّٰہِ الْحَمْد میں دُنیا سے مسلمان گیا

اَور تم پر مِرے آقا کی عنایت نہ سہی
نَجدیو! کلمہ پڑھانے کا بھی اِحسان گیا

آج لے اُن کی پناہ آج مدد مانگ اُن سے
پِھر نہ مانیں گے قِیامت میں اگر مان گیا

اُف رے مُنکِر یہ بڑھا جوشِ تَعَصُّب آخر
بِھیڑ میں ہاتھ سے کمبخت کے اِیمان گیا

جان و دل ہوش و خِرَد سب تو مَدینے پہنچے
تم نہیں چلتے رضاؔ سارا تو سامان گیا

اعلی حضرت