مظہر سرِّ وحدت پہ لاکھوں سلام

مظہر سرِّ وحدت پہ لاکھوں سلاممنبعِ ہر فضیلت پہ لاکھوں سلامصدرِ بزمِ نبوّت پہ لاکھوں سلام

مصطفٰے جانِ رحمت پہ لاکھوں سلامشمعِ بزمِ ہدایت پہ لاکھوں سلام

تاجدارِ شفاعت پہ روشن دروداُس سراپا ہدایت پہ روشن درودبحرِ جود و سخاوت پہ روشن درود

مہرِ چرخِ نبوت پہ لاکھوں سلامگُلِ باغِ رسالت پہ لاکھوں سلام

باعثِ خَلْقِ کُلْ سرورِ محترممرکزِ علم و اخلاق و حِلم و حِکمسیّدِ انبیاء سروِ باغِ کرم

شہریارِ اِرم تاجدارِ حرمنو بہارِ شفاعت پہ لاکھوں سلام

دونوں عالم کے آقا پہ دائم درودبے پناہوں کے ماوٰی پہ دائم درودشافعِ روزِ عقبیٰ پہ دائم درود

شبِ اسریٰ کے دولہا پہ دائم درودنوشۂ بزمِ جنّت پہ لاکھوں سلام

نُور سے جس کے ہے خَلق کی ابتداذات والی رسالت کی انتہارحمتِ عالمیں، وصف جس کا ہوا

جس کے زیرِ لِوا آدم و مَن سوااُس سزائے سَیادت پہ لاکھوں سلام

سیّدِ اوّلیں، سیّدِ آخریںصادق وعد، محبوبِ حق و یقیںسرورِ انبیاء، خاتم المرسلیں

عرش تا فرش ہے جس کے زیرِ نگیںاُس کی قاہر رِیاست پہ لاکھوں سلام

حشر میں جس کو حاصل ہوئی دسترسبے بسی پر کسی کا نہیں آج بسبے بسوں کے لیے ذات والا ہے کس

خلق کے دادرس، سب کے فریاد رسکہفِ روز مصیبت پہ لاکھوں سلام

نعمتیں دین و دنیا کی جس سے ملیںظلمتیں جن سے کفر و طغیاں کی مٹیںامن کی جس کے صدقے ہوائیں چلیں

جس کے جلوے سے مُرجھائی کلیاں کھلیںاُس گُل پاک منبت پہ لاکھوں سلام

جس رُوئے مبارک ہوا والضُّحٰیجس کے دنداں سے والشَّمس کی ہے ضیاجس کے گیسو پہ والّیل صادق ہوا

وصف جس کا ہے آئینۂ حق نمااُس خدا ساز طلعت پہ لاکھوں سلام

جس کی ہیبت سے بُت اوندھے مُنہ گِر پڑیںجس کے فرمان پر پیڑ کلمہ پڑھیںجانور جس کے قدموں پہ سجدہ کریں

جس کے آگے سرِ سروراں خم رہیںاُس سرِتاجِ رفعت پہ لاکھوں سلام

جس کے سر نورِ حق کا عمامہ بندھاانبیاء کے جَلو میں جو دُولہا بناروزِ محشر جو مختارِ مطلق ہوا

جس کے ماتھے شفاعت کا سہرا سجاموجِ بحرِ سماحت پہ لاکھوں سلام

صدرِ اجلاسِ اقصٰی پہ روشن درودساکنِ عرشِ اعلیٰ پہ روشن درودواقفِ رازِ اَوحٰی پہ روشن درود

شبِ اسریٰ کے دُولہا پہ روشن درودنوشۂ بزمِ جنّت پہ لاکھوں سلام

ہم پہ لطف و کرم کی دُر افشانیاںنُور و رحمت کی عالم پہ ضوباریاںبھینی بھینی ہدایت کی گُل پاشیاں

پتلی پتلی گُلِ قدس کی پتّیاںان لبوں کی نزاکت پہ لاکھوں سلام

نفسی نفسی کا جس دم ہو ہر سمت دَوربے بسی پر ہر اک اپنی کرتا ہو غوردستِ رحمت پہ لے کے شفاعت کا طور

کاش محشر میں جب  اُن کی آمد ہو اوربھیجیں سب اُ ن کی شوکت پہ لاکھوں سلام

تُو بھی بُرہانؔ ہو شیخ کا ہم نواعیدالاسلام کے ساتھ اس جا کھڑاجس کی نسبت مِرے شیخ نے یہ کہا

مجھ سے خدمت کے قدسی کہیں ہاں رضاؔمصطفٰے جانِ رحمت پہ لاکھوں سلام