ہے درسِ وفا پیہم عنوان خدیجہ کا جاری ہے زمانوں میں فیضان خدیجہ کا
مخصوص ہیں واصف بھی مخدومۂ عالم کے سب کو ہے میسر کب عرفان خدیجہ کا
توفیق خدا گر دے، مداحئ رحمت کی تا عمر رہے واصف، انسان خدیجہ کا
اسلام کے سائے میں لوگو جو سلامت ہو اسلام چڑھایا ھے پروان خدیجہ کا
واللہ دو عالم کے مخزن کی محافظ ہیں سرکار خدیجہ کے ، قرآن خدیجہ کا
کون انکے مماثل ہے؟ طبقات دوعالم میں مرسل بھی خدیجہ کے، رحمٰن خدیجہ کا
ہے نسلِ محمد کا ہر فرد خدیجہ سے صدیوں سے جو جاری ہے فیضان خدیجہ کا
مینارۂ کربل کی بنیاد خدیجہ ہیں احسان ذرا مسلم ، پہچان خدیجہ کا
حق ہم سے عدیم ان کی مدحت کا ادا کیا ہو “مانا ہے پیمبر نے احسان خدیجہ کا “
عباس عدیم قریشی