کس سے ممکن ہے صفَت حضرت رسول اللہ کی

کس سے ممکن ہے صفَت حضرت رسول اللہ کی جبکہ خالق خود کرے مدحت رسول اللہ کی

مَنْ رَّاٰنِیْ قَدْرَاَ الْحَقْ کے جلووں پر نثار ہے بلاشک دید حق رویت رسول اللہ کی

یوںتوانکی عام رحمت سےکوئ خالی نہیں مومنوں پرخاص ہےرحمت رسول اللہ کی

لے گئے تشریف جس کوچہ سے شاہ مرسلاں اس گلی میں بس گئی نکہت رسول اللہ کی

راہ بھٹکیں کس لیے جو یائے محبوب خدا رہبر عشاق ہے نکہت رسول اللہ کی

دامن امید بھر کر کیوں نہ لائیں نامراد پھیرنا خالی نہیں عادت رسول اللہ کی

جانور سنگ و شجر انس و ملک عرش و فلک جانتے ہیں جیسی ہے قدرت رسول اللہ کی

اس کو لوٹا یا تو اِک ایما سے اس کے دو کیے مہرومہ سے پوچھیے طاقت رسول اللہ کی

واہ وا زورِ ید اللہٰی کہ مشت خاک سے چھاگئی کفار پر ہبیت رسول اللہ کی

سب فرشتوں میں انہیں اس واسطے افضل کیا کرتے تھے روح الامیں خدمت رسول اللہ کی

جمع ہوں گے روز محشر اولین و آخریں اور دکھائی جائے گی عزت رسول اللہ کی

ہم بھکاری بھول جائیں گے مصائب حشر کے دیکھ لیں گے جس گھڑی صورت رسول اللہ کی

اک اکیلی جان خود معصوم فکر دو جہاں مرحبا صد مرحبا ہمت رسول اللہ کی

انبیاء و اولیاء، اولین و آخریں کون ہے جس کو نہیں حاجت رسول اللہ کی

اے زہے رحمت سیہ کاران امت کےلیے ہوگئی آراستہ جنت رسول اللہ کی

داور محشر بروز حشریوں فرمائے گا جائے پہلے خلد میں امت رسول اللہ کی

اہل محشر کی نظر ان کی طرف کو کیوں نہ ہو دیکھتا ہے خود خدا صورت رسول اللہ کی

اس کو حاصل ہوگیا قرب خدا کا مرتبہ جس کے ہاتھ آئی یہاں صحبت رسول اللہ کی

ختم کردی جاں نثاری حضرت صدیق نے جبکہ مکے سے ہوئی ہجرت رسول اللہ کی

قرب دنیا میں تھا اس سرکار سے صدیق کا بعد رحلت بھی رہی قربت رسول اللہ کی

اے غلام چار یار و باصفاؤ غوث پاک ہے حمایت پر تری عترت رسول اللہ کی

راستہ پوچھو نجومِ مصطفیٰ سے گمرہو اور سفینہ نوح کا عترت رسول اللہ کی

ہیں اسی حالت میں زندہ جس طرح دنیا میں تھے ظاہری صورت سے تھی رحلت رسول اللہ کی

آرزوئیں دل کی کرتی ہیں دعا اللہ سے ہم بھی دیکھیں گے کبھی تربت رسول اللہ کی

آتے ہیں لاکھوں ملک جس کی زیارت کو انہیں جان مومن کہیے یاتربت رسول اللہ کی

پیش منبر خارج مسجد اذاں خطبہ کی ہو ہے مسلمانوں یہی سنت رسول اللہ کی

دیکھ لو اے نجدیو وقعت رسول اللہ کی عرش اعظم پر ہوئی دعوت رسول اللہ کی

ڈھل گئے سانچے میں بوجہل لعیں کے جو قلوب کیا نظر آئے انہیں قدرت رسول اللہ کی

دل کے اندھوں نجدیو دنیا میں جو چاہو کہو حشر کے دن دیکھنا عزت رسول اللہ کی

جھونک دےگی نار میں تنقیص شان مصطفیٰ خلد میں لے جائے گی الفت رسول اللہ کی

علم مولیٰ سے بڑھایا علم شیطان لعیں اس پہ دعویٰ یہ کہ ہوں امت رسول اللہ کی

منکر علم نبی کے واسطے ناز جحیم اور غلاموں کےلیے جنت رسول اللہ کی

کردیا تیرا لقب مرشد نے مدّاح الحبیب کر جمیل قادری مدحت رسول اللہ کی

علامه جميل الرحمن قادري عليه الرحمه