Wo Pehla Khalifah,Wo Pehla Aarab Hai

Wo Siddiq E Akbar Ke Jis Ka Laqab Hai
Wo Pehla Khalifah,Wo Pehla Aarab Hai

Siddiq Maula Mere Siddiq Maula

Wo Pehla Madad Gaar,Pehla Sahabi
Nabi Ne Jise Har Qadam Pe Dua Di
Wo Afzal Bashar Bad Az Anbiya Hai
Wo Jaan E Sadaqat Wo Jaan E Wafa Hai

Wo Siddiq E Akbar Ke Jis Ka Laqab Hai
Wo Pehla Khalifah,Wo Pehla Aarab Hai

Bashar Ki Sadaqat Ka ma’yaar Tehra
Sadaqat Ka Oncha Wo Menaar Tehra
Chatano’n Se Mazbot Us Ka Qadam Tha
Wo Chalta Hoa Aik Baab E Haram Tha
Khuda Us Pe Razi Hoa,Wo Khuda Par
Kahai’n Qudsi Aameen Us Ki Dua Par
Zamee’n Par Wo Arsh E Baree’n Dekhta Hai
Wo Sab Se Nirala Wo Sab Se Juda Hai
Dua Ke Liye Wo Agar Lab Hila De
Khuda Us Pe Apne Khazane Luta De
Wohi “Sani Isnain” Ka Hai Mukhatib
Usi Ke Liye Hain Bare Sab Maratib

Wo Siddiq E Akbar Ke Jis Ka Laqab Hai
Wo Pehla Khalifah Wo Pehla Aarab Hai

Wo Kitna Bara Hai?Khuda Janta Hai
Wo Kaise Bara Hai? Khuda Janta Hai
Risalat Ke Qadmo’n Pe Rakh De Wo La Kar
Chale Ghar Ka Ghar Apne Sar Pe Utha Kar
Bajuz Anbiya Sab Se Behtar Wohi Hai
Wohi Sirf Siddiq E Akbar, Wohi Hai
Koyi Ummati Us Se Behtar Nahi’n Hai
Koyi Ummati Us Ka Humsar Nahi’n Hai
Koyi Us Ko Siddiq Mane Na Mane
Diye Hai’n Magar Us Ko Rutbe Khuda Ne

Wo Siddiq E Akbar Ke Jis Ka Laqab Hai
Wo Pehla Khalifah Wo Pehla Aarab Hai

Wo Jab Bhi Khuda Se Dua Maangta Hai
Wo Apne Liye Mustafa Maangta Hai
Meri Jaan Qurbaan Jaan E Wafa Par
Mai’n Razi Hun,Razi Hun Us Ki Riza Par
Meri Jaan Jaan E Wafa Ke Liye Hai
Mera Har Nafs Mustafa Ke Liye Hai
Mai’n So Baar Louto’n Mai’n So Baar Aao’n
Mai’n Qurbaan Jao’n,Mai’n Qurbaan Jao’n
Jaha’n Par Bhi Zikr E Rasool E Khuda Hai
Wahi’n Us Ka Ism E Girami Likha Hai

Wo Siddiq E Akbar Ke Jis Ka Laqab Hai
Wo Pehla Khalifah Wo Pehla Aarab Hai

Sadaqat Ka Paikar Samandar Wafa Ka
Wo Gham Khuwar Pehla Rasool E Khuda Ka
Nabi Se Wo Nazrai’n Hata’ta Nahi’n Hai
Jaha’n Par Nabi Hai,Wo Ab Bhi Wahi’n Hai
Khuda Ki Taraf Se Payaam Us Ko Aaye
Muhabbat Bhare Hi Salaam Us Ko Aaye
Wo Imaan Laye,Bachane Mai’n Pehla
Wo Baar E Khilafat Uthane Mai’n Pehla
Sadaqat Shuja”at Mai’n Wo Sab Se Aage
Nqbi Ki Ita’at Mai’n Wo Sab Se Aage
Rasool E Khuda Par Fida Hone Wala
Wo Jaan E Haya Par Fida Hone Wala
Wo Sare Ka Sara Khuda Ke Liye Tha
Wo Zinda Faqt Mustafa Ke Liye Tha

Wo Siddiq E Akbar Ke Jis Ka Laqab Hai
Wo Pehla Khalifah Wo Pehla Aarab Hai

Wo Pehla Mujahid,Wo Pehla Hai Ghazi
Wo Pehla Khalifah,Wo Pehla Namazi
Zamee’n Oar Chiragh E Wafa Ban Ke Aaya
Habeeb E Habeeb E Khuda Ban Ke Aaya
Tera Sani Paida Hoa Hai,Na Hoga
Koyi Mard Aisa Hoa Hai,Na Hoga
Wo Siddiq E Akbar Ke Jis Ka Laqab Hai
Wo Pehla Khalifah Wo Pehla Aarab Hai
Raha Zindagi Bhar Wo Foulaad Ban Kar
Wo Islaam Ki Aik Bunyaad Ban Kar
Risalat Ke Lehje Mai’n Wo Bolta Hai
Wo Jab Apne Honto’n Ke Dar Kholta Hai
Muhammad Muhammad Hai Us Ka Wazifa
Wo Har Baat Mai’n Hai Nabi Ka Khalifah
Wo Hukm E Nabi Par Fida Hone Wala
Boht Jaagne,Aur Kam Sone Wala
Muqam E Risalat Wohi Jaanta Hai
Nabi Ki Shari’at Wohi Jaanta Hai

Wo Siddiq E Akbar Ke Jis Ka Laqab Hai
Wo Pehla Khalifah Wo Pehla Aarab Hai

Nabuwat Ke Jitne Bhi Jhute The Daa’ee
Bila Khouf Un Sab Ki Gardan Urayi
Khilafat Pe Haq Tu Ne Sabit Kiya Hai
Zamane Ko Paigham Tu Ne Diya Hai
Nabi Ki Itaa’at Hai Teri Itaa’at
Nabi Ki Shifa’at Hai Teri Shifa’at
Tujhe Mai’n Wafa Ka Samandar Kaho’n Ga
Tujhe Aftaab Aik Munawwar Kaho’n Ga
Shifa’at Ki Bunyad Ban Kar Khara Hai
Tu Sare Sahaba Mai’n,Sab Se Bara Hai

Wo Siddiq E Akbar Ke Jis Ka Laqab Hai
Wo Pehla Khalifah Wo Pehla Aarab Hai

Wo Pehla Madad Gaar,Pehla Sahabi
Nabi Ne Jise Har Qadam Par Dua Di