اَلصَّلٰوۃُ وَالسَّلاَمُ عَلَیْکَ یَا رَسُوْلَ اللّٰہ وَعَلٰی اٰلِکَ وَ اَصْحٰبِکَ یَا حَبِیْبَ اللّٰہ

سرورِ عالی مقام جانِ دو عالم ہو تم

نیک سیر نیک نام ہادئ اعظم ہو تم

کون ہے ایسا بشر جو نہیں ممنونِ ور

لطف کُن خاص و عام رحمتِ عالم ہو تم

مظہرِ ربِّ ودود کیوں نہ پڑھیں سب درود

کیوں نہ پڑھیں سب سلام سب کے مکرم ہو تم

ذرہ و خورشید کیا مرکز و تمہید کیا

جان خواص و عوام لطفِ مجسّم ہو تم

کیا یہ شجر کیا حجر کیا یہ ملَک کیا بشر

کون نہیں ہے غلام شاہ دو عالم ہو تم

تم پہ زمانہ نثار تم ہو جہاں کی بہار

تم سے ہے قائم نظام نازشِ آدم ہو تم