اَلصَّلٰوۃُ وَالسَّلاَمُ عَلَیْکَ یَا رَسُوْلَ اللّٰہ وَعَلٰی اٰلِکَ وَ اَصْحٰبِکَ یَا حَبِیْبَ اللّٰہ

آئی نسیم کوئے محمد صلی اللہ علیہ وسلم

کھنچنے لگا دل سوئے محمد صلی اللہ علیہ وسلم

طوبیٰ کی جانب تکنے والو آنکھیں کھولو ہوش سنبھالو

دیکھو قدح دل جوئے محمد صلی اللہ علیہ وسلم

ہم سب کا رخ سوئے کعبہ سوئے محمد روئے کعبہ

کعبے کا کعبہ کوئے محمد صلی اللہ علیہ وسلم

نام اسی کا باب کرم ہے دیکھو یہیں محراب حرم ہے

دیکھو خم ابروئے محمد صلی اللہ علیہ وسلم

بھینی بھینی خوشبو لہکی بیدمؔ دل کی دنیا مہکی

کھل گئے جب گیسوئے محمد صلی اللہ علیہ وسلم