Naatکلام

Moa’jazat e Mustafa

By April 18, 2021No Comments


معجزاتِ مصطفیٰ

شمس کو واپس بُلانا، مُصطفیٰ کا مُعجزہ
چاند ٹُکڑے کر دِکھانا، مُصطفیٰ کا مُعجزہ

سَر کی آنکھوں سے خُدائے برتر و ذی شان کا
دِل نشیں دِیدار پانا، مُصطفیٰ کا مُعجزہ

کنکروں کا بولنا اعجازِ ختمُ المرسلیں
پیڑ کا قدموں میں آنا، مُصطفیٰ کا مُعجزہ

کر کے جاری آب کا انگشت ہائے پاک سے
پیاس پیاسوں کی بُجھانا، مُصطفیٰ کا مُعجزہ

حضرتِ جابر کے ہاں دعوت میں رب کے اِذن سے
مُردہ بچوں کو جِلانا، مُصطفیٰ کا مُعجزہ

دِل میں جو رکّھے ہُوئے آیا تھا سردارِ یمن
بات وہ بھی جان جانا، مُصطفیٰ کا مُعجزہ

رات بھر میں عُمدہ و اعلیٰ کھجوروں کے شجر
گُھٹلیوں کے بِن اُگانا، مُصطفیٰ کا مُعجزہ

عائشہ کا حُجرۂ تاریک بھی اِک شان سے
مُسکرا کر جگمگانا، مُصطفیٰ کا مُعجزہ

بخش کر اپنا لُعابِ پاک آبِ تلخ کو
شہد سے شِیریں بنانا، مُصطفیٰ کا مُعجزہ

ایک ہی ساعت میں اے عارف، کئی افراد کی
قبر میں تشریف لانا، مُصطفیٰ کا مُعجزہ

مُحمد عارف قادری، واہ کینٹ

Shams ko wapas bulana Mustafa ka moa’jaza
Chand tukre kar dikhana Mustafa ka moa’jaza

Sar ki aankhon se khudaye bartar o zeeshan ka
Dil nashee’n deedar pana Mustafa ka moa’jaza

Kankaron ka bolna ajaaz e khatm ul mursalee’n
Per’d ka qadmon main aana Mustafa ka moa’jaza

Kar ke jari aab ka angusht haye pak se
Pyas pyason ki bujhana Mustafa ka moa’jaza

Hazrat e jabir ke Han dawat main rab ke izn se
Murda bachchon ko jilana Mustafa ka moa’jaza

Dil main jo rakhe hoye aaya tha sardar e yaman
Baat wo bhi Jan jana Mustafa ka moa’jaza

Raat bhar main umda o aala khajooron ke shajar
Guthliyon ke bin ugana Mustafa ka moa’jaza

Ayesha ka hujra e tareek bhi ik shan se
Muskura kar jagmagana Mustafa ka moa’jaza

Bakhsh kar apna loa’ab e pak aab e talkh ko
Shahad se sheree’n banana Mustafa ka moa’jaza

Ek hi sa’at main ay Aarif kayi afraad ki
Qabr main tashreef lana Mustafa ka moa’jaza

Mohammed Aarif Qadri, Wah Cantt

Https://naatacademy.com
Https://instagram.com/naatacademy
Https://wa.me/919892327786