اَلصَّلٰوۃُ وَالسَّلاَمُ عَلَیْکَ یَا رَسُوْلَ اللّٰہ وَعَلٰی اٰلِکَ وَ اَصْحٰبِکَ یَا حَبِیْبَ اللّٰہ

خواجہ تری خاک آستانہ

ہے طرۂ تاج خسروانہ

ان کی ہی نظر کا ہوں نشانہ

دل لے کے جو ہو گئے روانا

اے خواجہ معین الدین چشتی

اے ہادی و مرشد یگانہ

سن لو مری دکھ بھری کہانی

سن لو غم ہجر کا فسانہ

مجھ پر بھی کرم کہ آپ کا ہوں

مجھ پر بھی نگاہ خسروانہ

سرکار کے ناوک ادا کا

ہے طائر سدرہ بھی نشانہ

قائم رہے تا قیام عالم

یہ قصر یہ بزم صوفیانہ

ہنگام سجود پائے خواجہ

بیدمؔ ہو نماز پنجگانہ