نورانی تیرا چہرہ بندہ نواز خواجہ ہرسو ہے تیرا جلوہ بندہ نواز خواجہ
مولی علی سے نسبت تو ہے حسینی سید سر پر ہے چشتی سہرا بندہ نواز خواجہ
غوث الوری و حضرت خواجہ نظامِ دیں کا شیخِ دکن کا شیدا بندہ نواز خواجہ
خواجہ نصیر تیرے جو پیرِ با صفا ہیں ان کا بھی تو ہے پیارا بندہ نواز خواجہ
القاب صدرِ دین و صادق ولیِ اکبر مشہور ہے زیادہ بندہ نواز خواجہ
ارضِ دکن کے خم کو تونے وقار دے کر بخشا ہے فخر اعلیٰ بندہ نواز خواجہ
آلام اور مصائب اک پل میں ٹل گئے ہیں جب جب تجھے پکارا بندہ نواز خواجہ
بستی میں تیری ہر دم پھولے پھلے ہمیشہ علم و عمل کا پودا بندہ نواز خواجہ
آیا ہے جو بھی سائل خالی گیا نہ ہر گز بھرتا ہے سب کا کاسہ بندہ نواز خواجہ
بہتا ہے تیرے در سے لطف و کرم کا دریا ایسا ہے تیرا روضہ بندہ نواز خواجہ
دنیا میں خوب پھیلے تحریک سنی دعوت ایسا کرم تو فرما بندہ نواز خواجہ
ہم کو وقار نوری محشر کا خوف کیسا حامی ہے جب ہمارا بندہ نواز خواجہ
محمد وقار احمد نوری