Dil Shikasta’n hai Aankh Hairan Hai – Owais Azhar | Naat Academyدل شکستہ ہے آنکھ حیراں ہے یعنی سارا بدن پریشاں ہےعکس پارینہ کے تصور سے ہستئ جاں بڑی پشیماں ہےکانپتے لب ہیں، سرنگوں قامت میرا سب کچھ حضور غلطاں ہےایسا محسوس ہورہا ہے مجھے سارا عالم مجھی سے نالاں ہےکھنچتا جاتا ہے دل اسی جانب شہر جو ظاہراً خموشاں ہےمجھ کو وحشت نہیں کہ میرا سبھی دفن اب تو وہیں پہ ساماں ہےوصل کی لذتوں کی نامحرم میری شب جانے کب سے ہجراں ہےروح کو ایک پل قرار نہیں جسم گویا مثال زنداں ہےیاد رفتہ کے خار دھاگوں سے بندش ذہن فرد پیچاں ہےکیوں ہے وحشت زدہ حیات مری آپ کی چشم جب کہ نگر

دل شکستہ ہے آنکھ حیراں ہے یعنی سارا بدن پریشاں ہے

عکس پارینہ کے تصور سے ہستئ جاں بڑی پشیماں ہے

کانپتے لب ہیں، سرنگوں قامت میرا سب کچھ حضور غلطاں ہے

ایسا محسوس ہورہا ہے مجھے سارا عالم مجھی سے نالاں ہے

کھنچتا جاتا ہے دل اسی جانب شہر جو ظاہراً خموشاں ہے

مجھ کو وحشت نہیں کہ میرا سبھی دفن اب تو وہیں پہ ساماں ہے

وصل کی لذتوں کی نامحرم میری شب جانے کب سے ہجراں ہے

روح کو ایک پل قرار نہیں جسم گویا مثال زنداں ہے

یاد رفتہ کے خار دھاگوں سے بندش ذہن فرد پیچاں ہے

کیوں ہے وحشت زدہ حیات مری آپ کی چشم جب کہ نگراں ہے

کی جے لطف و کرم حضور کہ اب خانۂ دل تمام ویراں ہے

ابر باراں ہو صورت رحمت جسم ازہر کہ اک بیاباں ہے

محمد اویس ازہر مدنی