اَلصَّلٰوۃُ وَالسَّلاَمُ عَلَیْکَ یَا رَسُوْلَ اللّٰہ وَعَلٰی اٰلِکَ وَ اَصْحٰبِکَ یَا حَبِیْبَ اللّٰہ

اے سرور دنیا و دیں تیری نرالی شان ہے

در ہے ترا رشک حرم چہرہ ترا قرآن ہے

ختم رسل مختار کل نبیوں کا تو سلطان ہے

صورت تری حسن ازل تجھ پہ جہاں قربان ہے

منگتوں کا آقا رکھ بھرم کر دے کرم شاہ امم

دکھیوں کی مشکل ٹالنا تیرے لئے آسان ہے

معراج کا دولہا ہے تو خالق کے گھر پہنچا ہے تو

تو ہے حبیب کبریا تو عرش کا مہمان ہے

در سے ترے وابستگی دونوں جہاں کی بہتری

نسبت تری یا مصطفیٰ ایمان کی پہچان ہے