اَلصَّلٰوۃُ وَالسَّلاَمُ عَلَیْکَ یَا رَسُوْلَ اللّٰہ وَعَلٰی اٰلِکَ وَ اَصْحٰبِکَ یَا حَبِیْبَ اللّٰہ

سن لو مری دکھ بھری کہانی

سن لو غم ہجر کا فسانہ

مجھ پر بھی کرم کہ آپ کا ہوں

مجھ پر بھی نگاہ خسروانہ

جن پر ہوئے مہربان خواجہ

بخشا انہیں چشت کا خزانہ

سرکار کے ناوک ادا کا

ہے طائر سدرہ بھی نشانہ

پروانہ و عندلیب سے سن

اے دل گل و شمع کا فسانہ

قائم رہے تا قیام عالم

یہ قصر یہ بزم صوفیانہ

ہنگام سجود پائے خواجہ

بیدمؔ ہو نماز پنجگانہ